७० हजार मेट्रिक टन मह उत्पादन गर्ने लक्ष्य

इस्लामावाद ।
पाकिस्तानी प्रधानमन्त्री इमरान खानले ‘बिलियन ट्रि हनी इनिसिएटिभ’ नामक योजना सुरु गरेका छन् । वृक्षरोपण र मह उत्पादन सँगसँगै गरी देशमा रोजगारी सिर्जना र निर्यात वृद्धि गर्ने उद्देश्यले यो योजना अघि सारिएको बताइएको छ । यो योजना सुरु गर्दै प्रधानमन्त्री खानले मह उत्पादन योजनाले स्थानीय समुदायमा रोजगारी सिर्जनाा हुने र यसको निर्यात समेत बढ्ने बताए ।

पाकिस्तान जलवायु परिवर्तनले विश्वको पाँचौँ असुरक्षित देश हो । सोही कारण जलवायु परिवर्तनलाई सम्बोधन गर्ने ठूलै चुनौती सरकारसामु रहेको खानले बताए । उनले पाकिस्तान वनजन्य बोटबिरुवारहित हुनलागेकोले जन हुर्काउने र धेरैभन्दा धेरै बोटबिरुवा लगाउनुपर्ने बताए । यसो गर्नु भावी पुस्ताका लागि पनि अहिलेको दायित्व भएको उनको भननाइ छ ।

त्यस्तै उनले पाकिस्तान गुणस्तरीय मह निर्यातको लागि बलियो सम्भावनायुक्त देश भएको बताउाँदै उनले देशका विभिन्न स्थानमा विभिन्न प्रजातिका मौरीबाट मह उत्पादन हुने गरेको बताए । प्रधानमन्त्री खानको १० अर्ब रुख सुनामी कार्यक्रम (टेन बिलियन सुनामी प्रोग्राम) अन्तर्गत मौरी लाग्ने फूल बि फ्लोराको वृक्षरोपण गरिनेछ । यसबारे सरकारले पहिले नै अध्ययन समेत गरेको बताइएको छ ।

पाकिस्तानमा १० हजार मौरीपालकले ३ लाख कोलोनी प्रयोग गरी ७ हजार ५ सय मेट्रिक टन मह वार्षिक रुपमा उत्पादन गर्ने गरिएको अनुमान छ । यो योजनााअनुसार ७० हजार मेट्रिक टन मह उत्पादन हुने सम्भावना छ । यति मह निर्यात गर्नसके पाकिस्तानले ३५ देखि ४३ अर्ब पाकिस्तानी रुपैयाँ आम्दानी हुनेछ । त्यसबाहेक ८७ हजार यो क्षेत्रमा रोजगारी सिर्जना हुने प्रधानमन्त्री खानले बताए । मौरीपालनको लागि मौरीपालकलाई आवश्यक तालिमको व्यवस्था समेत गरिने बताइएको छ ।