टेस्लाको बजार पुँजीकरण पहिलोपटक आठ खर्ब डलर नाघ्यो

अमेरिका ।
शुक्रबार ५.६ प्रतिशतले सेयर मूल्य आकाशिएपछि विद्युतीय कार उत्पादक टेस्लाको बजार पुँजीकरण आठ खर्ब अमेरिकी डलर नाघेको छ । रोयटर्सका अनुसार शुक्रबारको सेयर वृद्धिसँगै कम्पनी ट्रिलियन डलर (१० खर्ब) क्लबको नजिक पुगेको हो ।

टेस्लाको सेयरकै कारण गत बुधबार मात्रै कम्पनीका मालिक एलन मस्कले अमेजनका मालिक जेफ बेजोसलाई संसारकै धनीबाट पछि पारिदिएका थिए । फोब्र्सकाा अनुसार टेस्लामा मस्कको कुल २१ प्रतिशत सेयर छ । यो भनेको १ खर्ब ७० अर्ब डलर हो । पछिल्लो समय टेस्लाको बजार पुँजीकरण जनरल मोटर्स, फोर्ड मोटर र फियाट क्राइस्लर अटोमोबाइलको जम्मै एकै ठाउँमा राख्दा पनि बढी भएको छ ।