दक्षिण कोरियासँग लगानी तथा व्यवस्थापकीय क्षमता विस्तारमा सहकार्य गर्न आग्रह
काठमाडौं ।
नेपालका लागि रिपब्लिक अफ कोरियाका राजदूत छङसकपार्कले नेपालमा कोरियाली लगानी विस्तारमा सहयोग गर्ने प्रतिबद्धता जनाएका छन् । नेपाल उद्योग परिसंघमा पदाधिकारीसँगको अन्तरक्रियामा कोरियाली राजदूत छङसकपार्कले नेपालको पर्यटन, जलविद्युत् तथा पूर्वाधारमा लगानीका लागि कोरियाली लगानीकर्ताहरूलाई प्रेरित गर्ने बताएका हुन् ।
कोरियामा आयोजना हुने व्यापार तथा लगानी मेलामा सहभागी हुने नेपाली व्यवसायी तथा लगानीकर्तालाई सहजीकरण गरिने पनि राजदूत पार्कले बताए । सो अवसरमा परिसंघका अध्यक्ष सतिशकुमार मोरले नेपालमा वैदेशिक लगानीका लागि अवसर र उच्चतम प्रतिफल रहेको बताउँदै कोरियाली लगानीलाई प्रोत्साहन गर्न परिसंघ सहयोग गर्न तयार रहेको बताए ।
कोरिया र नेपालबीचको सौहार्दपूर्ण सम्बन्धलाई बलियो आर्थिक साझेदारीमा रूपान्तरणका लागि थप कोरियाली पुँजी तथा प्रविधिलाई नेपाल भित्र्याउनेतर्फ थप सहयोगका लागि अध्यक्ष मोरले राजदूतसँग आग्रह समेत गरे ।
परिसंघका उपाध्यक्षहरू अनुज अग्रवाल, निर्वाण चौधरी, सुलभ अग्रवाल र विरेन्द्रराज पाण्डेले नेपालमा कोरियाली एक्जिम बैंकमार्फत पुँजी जुटाउन तथा पूर्वाधार र पर्यटन क्षेत्रमा संयुक्त लगानीका लागि कोरियाली लगानीकर्ताहरूलाई सहजीकरण गर्न कोरियाली दूतावाससँग सहकार्य गर्न तयार रहेको बताए ।
कोरियामा काम गरेर फर्केका नेपालीहरूका कारण कोरियाली कम्पनीहरूका लागि नेपालमा दक्ष कामदार जुटाउन सहज वातावरण भएकाले यसलाई उपयोग गर्न पनि परिसंघले आग्रह गरेको छ । कोभिड पेनडेमिकको असर कम हुनासाथ द्विपक्षीय लगानीकर्ताहरूको आदान प्रदानका लागि सहजीकरण गर्ने पनि परिसंघले प्रतिबद्धता जनाएको छ ।
क्याटेगोरी : समाचार
ताजा अपडेट
- बाढीपहिरोपीडितलाई पाँच करोड आर्थिक सहयोग
- दसैँपछि घोडेपानी र पुनहिलमा पर्यटक बढे
- नारायणी रङ्गशाला क्रिकेट मैदान स्तरोन्नति गरिँदै
- बागलुङमा ५६ हजार दुई सय ४० ‘मेट्रिकटन’ आलु उत्पादन
- उकालो लाग्यो शेयर बजार
- बागमती प्रदेशमा निःशुल्क स्वास्थ्योपचार गरिने
- जाजरकोटका दलले बुझाए मुख्यमन्त्री कँडेललाई ध्यानाकर्षणपत्र
- शून्य कार्बन स्कुलको अवधारणा कार्यान्वयन
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया