सामसुङले एस सिरिज नेपालमा ल्याउने

काठमाडौं ।
इलेक्ट्रोनिक कम्पनी सामसुङले आफ्नो पछिल्लो फ्ल्यागशिप एस सिरिज नेपालमा ल्याउने भएको छ । कम्पनीले उक्त मोडलको प्रि–अर्डर शुक्रबार अथाएत २२ जनवरी २०२१ देखि सुरु गर्ने भएको छ ।

सामसुङले विश्वव्यापी रुपमा ग्यालेक्सी एस२१ श्रृंखलाको अनावरण गरिसकेको छ, जसले हालसम्म निर्माण भएका स्मार्टफोनहरुको तुलनामा एक नयाँ आयाम प्रदान गर्ने अपेक्षा गरिएको थियो । विश्वभर प्रयोगकर्ताहरुलाई यसको अत्याधुनिक डिस्प्ले, सुधार गरिएको क्यामेरा र आकर्षक डिजाइनका लागि उक्त मोडललाई निकै रुचाएका छन् ।

यो स्मार्टफोन उत्कृष्ट क्यामेरा खोज्ने प्रयोगकर्ताहरूको लागि शक्तिशाली प्रोसेसर सहित बनेको छ । विभिन्न रंगमा उपलब्ध यस फोनको डिजाइनले नयाँ स्टाइल सहित एक परिष्कृत रुप प्रदान गरेको छ । सामसुङ नेपालले यस स्मार्टफोन खरिद गर्न चाहने उपभोक्ताहरुका लागि आकर्षक योजना सहित प्रि–अर्डर घोषणा गर्ने बताईएको छ ।