लक्ष्मी लघुवित्तको दोस्रो त्रैमासिक नाफा नौ करोड चार लाख

काठमाडौं ।
लक्ष्मी लघुुवित्त वित्तीय संस्थाले चालू आर्थिक वर्षको दोस्रो त्रैमासिक अवधिमा नौ करोड चार लाख रुपैयाँ खुद मुनाफा आर्जन गरेको छ । गत आवको सोही अवधिमा संस्थाको यस्तो नाफा सात करोड आठ लाख ९८ हजार रुपैयाँ रहेको थियो ।

हाल चुक्ता पुँजी ३२ करोड ४५ हजार रुपैयाँ रहेको संस्थाले चालू आर्थिक वर्षको दोस्रो त्रैमासिक अवधिमा एक अर्ब ८७ करोड ८६ लाख तीन हजार रुपैयाँ निक्षेप संकलन गरी पाँच अर्ब ५० करोड २४ लाख ३९ हजार रुmपैयाँ कर्जा प्रवाह गरेको छ । सो अवधिमा २२ करोड ३९ लाख ३६ हजार रुपैयाँ खुद ब्याज आम्दानी गरेको संस्थाको प्रोभिजन रकम तीन करोड ७२ लाख ८३ हजार रुपैयाँ रहेको छ भने निष्क्रिय कर्जाको अनुपात चार दशमलव४२ प्रतिशत रहेको छ ।

गत आवको सोही अवधिमा भने संस्थाले एक अर्ब ५३ करोड ३३ लाख ११ हजार रुपैयाँ निक्षेप संकलन गरी चार अर्ब ३२ करोड ९१ लाख २३ हजार रुपैयाँ कर्जा प्रवाह गरेको थियो । उक्त अवधिमा १८ करोड २२ लाख २९ हजार रुपैयाँ खुद ब्याज आम्दानी गरेको संस्थाको प्रोभिजन रकम दुई करोड ३४ लाख ७४ हजार रुपैयाँ रहेको थियो भने निष्क्रिय कर्जाको अनुपात एक दशमलव ५५ प्रतिशत रहेको थियो ।