भूकम्पले ध्वस्त १२ वटा विद्यालयको पुनर्निर्माण

दोलखा ।
२०७२ साल वैशाख १२ र २९ गतेको गएको विनाशकारी भूकम्पले ध्वस्त भएका विद्यालयहरूको पुनर्निर्माणको काम धमाधम भइरहेको छ । साथै एसियाली विकास बैंक र सरकारको सहयोगमा निर्माण सुरु गरिएको १२ वटा विद्यालयको पुनर्निर्माणको काम भने सम्पन्न भएको छ ।एसियाली विकास बैंकको ७४ दशमलव ३ प्रतिशत ऋण र नेपाल सरकारअन्तर्गतको केन्द्रीय आयोजना कार्यान्वयन इकाइ (शिक्षा)को ७२ करोड आर्थिक सहयोगमा १२ वटा भवनको पुनर्निर्माण सम्पन्न भएको हो ।

निर्माणसम्पन्न हुने विद्यालयहरूमा कुटिडाँडा मावि मकैबारी, गौरीशंकर मावि विगु, महेन्द्रय मावि माटी, भिम मावि भेड्पु, महेन्द्र मावि च्यामा, भुमेस्थान मावि घ्याङ, बौद्ध भुवनेश्वरी मावि जिरीलगायतका रहेका छन् । सबै विद्यालयहरू आधुनिक अपाङ्गमैत्री सुविधासहित निर्माण गरिएको छ ।

निर्माण सम्पन्न विद्यालयका भवनहरू तीन कोठेदेखि २२ कोठेसम्म रहेको जिल्ला आयोजना कार्यान्वयन इकाइ दोलखाले जनाएको छ । नवनिर्मित विद्यालय भवनहरू डिजास्टर रिसाइलेन्स अफ स्कुल प्रोजेक्ट (डीआरएसपीआई) अन्तरर्गत पुनर्निर्माण गरिएको संस्थाका प्रोजेक्ट मेनेजर इन्जिनियर युधिष्ठिर केसीले जानकारी दिए । डिजाइन एण्ड सुपरभिजन कन्सलटेन्ट परामर्श सेवा एवं शर्मा स्वच्छन्द खानी जीभीले १२ वटै विद्यालयको भवन निर्माणको जिम्मा लिएको थियो ।