नक्कली सुन दिई ५५ लाख रूपैयाँ ठगी गर्ने ५ जना पक्राउ

काठमाडौं ।
नक्कली सुन दिई लाखौ रूपैयाँ ठगी गर्ने गिरोहलाई प्रहरीले पक्राउ गरेको छ । उक्त गिरोहले काठमाडौं महानगरपालिका ताहाचल बस्ने एक व्यक्तिलाई १ केजीको नक्कली सुन दिई ५५ लाख रूपैयाँ ठगी गरेको प्रहरीले जनाएको छ ।

पक्राउ पर्नेहरूमा काठमाडौं महानगरपालिका १६ बस्ने काभ्रे भुम्लु गाउँपालिका ५ का ३२ वर्षीय सन्त बहादुर लामा, काठमाडौं तार्केश्वर नगरपालिका ५ मा शान्तिटोल बस्नेहरू नुवाकोट किस्पाङ गाउँपालिका १ का ४५ वर्षीय ऋषमान घले, जित भन्ने ३५ वर्षीय मेख तामाङ, चन्द्र भन्ने २० वर्षीय जेरि तामाङ र काठमाडौं महानगरपालिका ताहाचल बस्ने झापा अनारमनि १ बिर्तामोडका पप्पु भन्ने ५३ वर्षीय अभय कुमार चौधरी रहेका छन् । उनीहरूले माघ ११ गते नक्कली सुनलाई सक्कली सुन हो भन्दै उक्त रूपैयाँ ठगी गरेको प्रहरीले जनाएको छ ।