हिमालय एअरलाइन्सको दुवई उडान सुचारु

काठमाडौं ।
हिमालय एअरलाइन्सको दुवई उडान सुचारु भएको छ । कोभिड–१९ ले लामो समय रोकिएको उडान पुनः सुचारु भएको हो । दुवई उडान अब साताको तीन पटक हुनेछ । एअरलाइन्सले काठमाडौंबाट हरेक आइतबार, मंगलबार र बिहीबार दुबई उडान गर्नेछ भने दुवईबाट हरेक सोमबार, मंगलबार र बिहीबार काठमाडौं उडान गर्नेछ । हिमालय एअरलाइन्सले काठमाडौं–दुबई–काठमाडौं उडान युएईको कोभिड १९ सुरक्षा मापदण्ड पालना गर्दै यात्रु आवागमन खुकुलो बनाएसँगै सुरु गर्न लागेको हो ।

हिमालय एयरलाइन्सका अध्यक्ष झोउ इंयोङले लामो समयपछि पुनः सुचारु भएको दुवई उडानमा पहिलो तीन जना यात्रुलाई विशेष उपहार र बोर्डिङ पास दिएर विदा गरेका थिए । कोभिड महामारीका कारण रोकिएका उडानहरु फेरि सुरु गर्नु कम्पनीको लागि चुनौतीपूर्ण भए पनि कम्पनी यूएईसँग आफ्नो सञ्जाललाई फेरि पूर्ववत् अवस्थामा अघि बढाउन तयार रहेको बताए ।