कुलप्याड मोबाइलको लखपति योजना हरेक साता एक लाख जित्न सकिने

काठमाडौं ।
स्मार्टफोन ब्राण्ड कुलप्याडले आफ्ना उपभोक्ताहरुको लागि नयाँ वर्ष २०७७ को अवसर पारेर लखपति योजना सार्वजनिक गरेको छ । नेपालको लागि कुलप्याड मोबाइलको आधिकारिक आयातकर्ता तथा वितरक कम्पनी एसडी इन्टरनेशनल प्रालिले गत शुक्रबार एक कार्यक्रमका बीच कुलप्याड लखपति योजना सार्वजनिक गरेको हो ।

कुलप्याड मोबाइलको ब्राण्ड एम्बेस्डर शिल्पा मास्केले हरेक साता एक जना भाग्यशाली ग्राहकहरुलाई एक लाख रुपैयाँ उपहारमा प्रदान गर्ने लखपति योजना सार्वजनिक गरेकी हुन् । यो योजनामा कम्पनीले कुलप्याण्डका स्मार्टफोनहरु किन्ने ग्राहकहरुमध्ये प्रत्येक साता एक जना भाग्यशाली ग्राहकलाई एक लाख उपहार प्रदान गर्नेछ । त्यसैगरी प्रत्येक साता कम्पनीले पाँँच जना विजेताहरुलाई कुलप्याड स्मार्टफोन समेत उपहार प्रदान गर्नेछ । यसका साथमा कम्पनीले प्रत्येक साता १० वटा कुलप्याडको इयरबड समेत प्रदान गर्नेछ ।

कम्पनीले आगामी २०७७ वैशाख मसान्तसम्म आयोजना गर्ने कुलप्याड लखपति योजनाअन्तर्गत आठ सातामा आठ जना प्रत्येक ग्राहकहरुलाई एक लाख रुपैयाँ, ४० वटा स्मार्टफोनहरु र ८० वटा कुलप्याड इयरबड प्रदान गर्नेछ । सो योजनामा सहभागी हुन कुलप्याडका कुनै पनि स्मार्टफोन खरिद गरेर त्यसको आईएमईआई नम्बर ३३००१ मा एसएमएस गरी पठाउनुपर्नेछ । यसको लागि कुलप्याड लेखेर स्पेस दिई आईएमईआई नम्बर लेखेर स्पेस दिई ग्राहकको नामसहित ३३००१ मा पठाउनुपर्नेछ । यस योजनामा प्रत्येक साता सहभागीहरुलाई गोलाप्रथाद्वारा छनौट गरी कुलप्याडको आधिकारिक फेसबुक पेजबाट घोषणा गरिनेछ ।

योजनाले कुलप्याडको ग्राहकहरुलाई नयाँ वर्षमा नयाँ उपहार दिने कम्पनीका जनरल म्यानेरज कर्पोरेट हेड उपेन्द्र शाहले बताए । यो योजना आइतबारदेखि नेपालभर लागू भएको छ । यसका साथै कम्पनीले लखपति योजनाको अवसर पारेर आफ्नो नयाँ मोडल कुल १० पनि सार्वजनिक गरेको छ । कम्पनीले कुल १० सुपथ मूल्यमा उत्कृष्ट फोन चाहने ग्राहकहरुलाई लक्षित गरेर सार्वजनिक गरेको हो । कुल १० स्मार्टफोन नेपालभर उपलब्ध छ ।