आगामी साता तामाकोशीको उत्पादन १५२ मेगावाट पुग्ने
सुबास बस्नेत २०७८, असार २७ १३:०५ 
दोलखा ।
माथिल्लो तामाकोशी जलविद्युत् आयोजनाले एकपछि अर्को युनिटबाट विद्युत् उत्पादन गर्दै जाने भएको छ । असार २१ गतेदेखि पहिलो युनिटबाट ७६ मेगावाट विद्युत् उत्पादन सुरु गरेको आयोजनाले आगामी साता दोस्रो युनिटबाट थप ७६ मेगावाट विद्युत् उत्पादन गर्ने तयारी थालेको छ । त्यसका लागि तीव्र गतिमा काम गरिरहेको आयोजनाले जनाएको छ ।
चार सय ५६ मेगावाटको यस आयोजनाका छवटा युनिटहरू रहेका छन् । आयोजनाले आगामी भदौ मसान्तसम्म सबै युनिटबाट विद्युत् उत्पादन गर्नेगरी तयारी थालेको छ । पहिलो युनिटबाट उत्पादित ७६ मेगावाट विद्युत् राष्ट्रिय प्रसारण लाइनमा जोडिसकेको आयोजनाका प्रवक्ता गणेश न्यौपानेले जानकारी दिए । तामाकोशीबाट उत्पादित ७६ मेगावाट विद्युत्लाई देविटार सवस्टेसनमा जोडिएको छ । स्वदेशी लगानीमा निर्माण भएको माथिल्लो तामाकोशी सबैभन्दा ठूलो आयोजना हो । आयोजनामा विभिन्न युनिटमा ७६ मेगावाट क्षमताको छवटा टर्वाइन जडान गरिएको छ ।
साउन पहिलो हप्ताभित्रमा तीनवटा टर्वाइन सञ्चालनमा ल्याएर दुई सय २८ मेगावाट विद्युत् उत्पादन गर्ने आयोजनाले लक्ष्य राखेको छ । आयोजनाले उक्त लक्ष्यअनुसार साउन पहिलो सातामा तीनवटा युनिटबाट दुई सय २८ मेगावाट विद्युत् व्यावसायिकरूपमा उत्पादन गरेर राष्ट्रिय प्रसारण लाइनमा जोड्नसके भदौ मसान्तसम्म थप तीन युनिटबाट बाँकी रहेको दुई सय २८ मेगावाट विद्युत्को उत्पादन गर्नसकिने आयोजनाले जनाएको छ । छवटा युनिटको परीक्षण उत्पादन सकिएपछि चार सय ५६ मेगावाट जलविद्युत् राष्ट्रिय प्रसारण लाइनमा जोडिनेछ ।
क्याटेगोरी : बिबिध
ताजा अपडेट
- यस्तो छ बुधबारका लागि विदेशी मुद्राको विनिमय दर
- बाँसझ्याङमा सात क्विन्टल लसुन भेटियो
- एमाले लुम्बिनी प्रदेश सभा सदस्य दुर्गा चौधरी पार्टी सदस्यबाट निलम्बित
- अदालतले पक्राउ पुर्जी जारी गरेका प्रहरी (इन्स्पेक्टर) १ बर्ष देखि कार्यरत रहेको खुलासा !
- राष्ट्रिय स्वतन्त्र पार्टी (रास्वपा)को धादिङ जिल्ला भेला सम्पन्न
- ‘जलवायु सङ्कट सामना गर्न सहकार्य आवश्यक’
- कीर्तिपुरमा विकास र सुशासनका मुद्दासहित चुनाव प्रचार तीव्र
- सामाजिक सुरक्षाकोषमा निजी क्षेत्र आबद्ध हुनैपर्ने
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया