बैकहरुमा एक दसमलव ५० प्रतिसत कर्जा निष्क्रिय, बैक तथा फाईनान्स कम्पनीहरुको कुल निक्षेप ४६ खर्ब नाघ्यो
सुरेश राउत २०७८, असार २८ ०९:४७ 
काठमाडौं ।
बैंकिङ क्षेत्रमा औषतमा एक दसमलव ५० प्रतिसत कर्जा निष्क्रिय देखिएको छ । बिश्वरुव्यापीरुपमा फैलिएको कोरोना भाईरस (कोभिड १९) को बाबजुत पनि बैंक तथा फाईनान्स कम्पनीहरुले कुल निष्क्रिय कर्जालाई एक दसमलव ५० प्रतिसतमा सिमित राख्न सफल भएका हुन् ।
नेपाल राष्ट्र बैंकका अनुसार चालु आर्थिक बर्षको पछिल्लो १० महिनाको अवधिमा २७ वटा बाणिज्य बैंक, क्षेत्रिय तथा राष्ट्रियस्तरका समेत गरी १८ वटा बिकास बैंक र २० वटा फाईनान्स कम्पनी समेत गरी ६५ वटा संस्थाहरुले कुुल ४४ खर्ब ७४ अर्ब २३ करोड २० लाख रुपैयाँ निक्षेप संकलन गरी ४० खर्ब ६८ अर्ब रुपैयाँ कर्जा प्रवाह गर्दा औषतमा एक दसमलव ५० प्रतिसत कर्जा निष्क्रिय देखिएको छ । सो मध्ये बाँणिज्य बैंकहरुले मात्र ३९ खर्ब ५७ अर्ब ८६ करोड १० लाख रुपैयाँ निक्षेप संकलन गरी ३६ खर्ब नौं अर्ब ९० करोड रुपैयाँ कर्जा प्रवाह गर्दा औषतमा एक दसमलव ४१ प्रतिसत कर्जा निष्क्रिय देखिएको थियो ।
बिकास बैंकहरुले भने चालुु आवको पछिल्लो १० महिनाको अवधिमा चार खर्ब १६ अर्ब चार करोड ९० लाख रुपैयाँ निक्षेप संकलन गरी तीन खर्ब ७० अर्ब छ करोड ८९ लाख रुपैर्या कर्जा प्रवाह गरेकाछन । सो मध्ये एक दसमलव ३५ प्रतिसत कर्जा निष्क्रिय देखिएको छ । यसैगरी फाईनान्स कम्पनीहरुले भने चालु आर्थिक बर्षको पछिल्लो १० महिनाको अवधिमा एक खर्ब ३२ करोड २० लाख रुपैयाँ निक्षेप संकलन गरी ८५ अर्ब तीन करोड २० लाख रुपैयाँ कर्जा प्रवाह गरेकाछन । जसमध्ये पाँच दसमलव ७१ प्रतिसत कर्जा निष्क्रिय देखिएको राष्ट्र बैंकले जानकारी दिएको छ । अहिलेपनि धेरै वटा फाईनान्स कम्पनीहरु समस्याग्रस्त मुक्त घोषणा भई सुधारको प्रकृयामा रहेकाकारण बाणिज्य बैंक र बिकास बैंकहरुको तुलनामा फाईनान्स कम्पनीहरुमा निष्क्रिय कर्जा बढी देखिएको राष्ट्र बैंकको भनाई छ ।
राष्ट्र बैंकका अनुसार गत साता अर्थात यही असार २३ गतेसम्ममा भने बैंक तथा फाईनान्स कम्पनीहरुको कुल निक्षेप ४६ खर्ब भन्दा माथि पुगेको छ भने कुल कर्जा रकम ४१ खर्ब ३५ अर्ब रुपैयाँ भन्दा माथि पुगेको छ । सो मध्ये बाणिज्य बैंकहरुको मात्र कुल निक्षेप ४० खर्ब ७५ अर्ब र कुल कर्जा रकम ३६ खर्ब ७८ अर्ब पुगेको राष्ट्र बैंकले जनाएको छ । यस अवधिमा बाँणिज्य बैंकहरु बाहेकका बिकास बैंक र फाईनान्स कम्पनीहरुको कुल निक्षेप रकम पाँच खर्ब ३० अर्ब नाघेको छ भने कुल कर्जा रकम चार खर्ब ५७ अर्ब रुपैयाँ नाघेको छ ।
क्याटेगोरी : समाचार
ताजा अपडेट
- प्रहरी विधेयक मन्त्रिपरिषदमा पेस
- रास्वपा सभापति लामिछाने अझै १५ दिन हिरासतमा
- मृत्युपश्चात् मानव अङ्ग दान गर्ने परिवारलाई दुई लाख
- भारतीय स्थल सेनाध्यक्ष उपेन्द्र द्विवेदी स्वदेश फिर्ता
- राष्ट्रिय गौरवका आयोजनाका कामलाई गति दिन प्रधानमन्त्रीको चासो
- कुलमान विरुद्धको पेशी अर्को बर्ष मात्र !
- धरहरा चढ्न शुल्क लाग्ने
- बाल अधिकार रक्षकहरूको राष्ट्रिय भेला काठमाडौंमा सुरु
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया