धनगढी, माघ ८
कैलाली जिल्लाका विभिन्न स्थानमा करिब २२ हजार हेक्टर वन क्षेत्र अतिक्रमण भएको छ । २०६४ सालदेखि अहिलेसम्म जिल्लामा २२ हजार हेक्टरभन्दा बढी वन अतिक्रमण भएको र हरेक वर्ष अतिक्रमण हुने क्रम बढ्दै गएको डिभिजन वन कार्यालय कैलाली जनाएको छ । २०७२÷०७३ सालमा जिल्लाको पहलमानपुर,अत्तरिया र बल्चौर इलाकामा पर्ने विभिन्न वनमा गरी २२ हजार हेक्टर वन अतिक्रमण भएको रामचन्द्र कडेँलले जानकारी दिए ।डिभिजन वन कार्यालय कैलालीको तथ्याङ्कअनुसार अत्तरिया इलाकाका विभिन्न स्थानमा १९ हजार ३३ हेक्टर क्षेत्रफल वन अतिक्रमण भएको छ । धनगढीमा इलाकामा पाँच हजार नौ सय ११ फूलबारी इलाकामा चार सय ४६, वल्मी इलाकामा तीन हेक्टर २५ बिघा र खानीडाँडा इलाकामा छ सय ८१ हेक्टर वन क्षेत्र अतिक्रमण भएको छ । त्यस्तै चौमला इलाकामा नौ हजार एक सय आठ हेक्टर ७७ बिघा, पहलमानपुर इलाकाअन्तर्गत उदनसीपुरमा चार सय ४३, मसुरियामा एक हजार ५०, सुख्खडमा चार सय ८१, पहलमानपुर इलाकामा एक हजार नौ सय ७४ हेक्टर जग्गा अतिक्रमण भएको छ । बल्चौर इलाकाअन्तर्गत सुगरखालमा एक सय ६४ अमैरीमा चार सय ९१, जगतपुरमा चार हजार छ, रामपुरमा एक हजार तीन सय ५७ र साँढेपानीमा आठ सय ९८ हेक्टर ५० बिघा राष्ट्रिय वनक्षेत्र अतिक्रमणमा परेका छ ।
अतिक्रमित क्षेत्रको वस्तुगत स्थितिबारे बेला–बेलामा जिल्लामा रहेका सरोकारवालाई डिभिजन वन कार्यालयले अनुगमन गराउन लगे पनि काम अतिक्रमण क्षेत्र भने जस्ताको तस्तै छ । वनमा रहेको बजेट पनि अनुगमनको नाममा सकिन पुगेको छ । डिभिजन वन कार्यालयले वन क्षेत्रमा अतिक्रमित हटाउने अभियान सञ्चालन गर्दै आएको डिभिजन वन अधिकृत कँडेलले बताए । उनले भने कुनै पक्षले सहमति नजनाए डिभिजन वन कार्यालय अतिक्रमित क्षेत्र खाली गराउन पछि पर्दैन । अतिक्रमित गरेर बस्दै आएका बस्तीलाई विभिन्न सरकारी तथा गैरसरकारी संस्थाले प्रोत्साहन दिइरहेका छन् । अतिक्रमणकारीलाई अतिक्रमित क्षेत्र छोड्न भन्दै पटक–पटक सार्वजनिक सूचना जारी गरिए पनि अटेरी बनेको डिभिजन वन कार्यालयले जनाएको छ । अतिक्रमण हटाउने प्रयास गरिए पनि बजेटको अभावले समस्या भएको डिभिजन वन कार्यालयले जनाएको छ ।
क्याटेगोरी : समाचार
ताजा अपडेट
- एनपिएलको ट्रफी सार्वजनिक
- अष्ट्रेलियाका लागि नेपाली आवासीय राजदूत पदमा चित्रलेखा यादव नियुक्त
- एनपिएलले नेपालको पर्यटन प्रवर्द्धन र युवा प्रतिभालाई उजागर गर्नेछ: प्रधानमन्त्री ओली
- सभामुख घिमिरे र कम्बोडियाका प्रधानमन्त्रीबीच भेट
- नागार्जुनमा बाटो मिचेर बनाएको घर भत्काउन आदेश
- नेपाली बजारमा एलजीको नानोसेल टीभी सार्वजनिक
- नेसनल लाइफद्वारा बागमती प्रदेशका सीईओ क्लब सदस्यलाई सम्मान
- इ–सेवाको घर जित्ने विजेता घोषणा हुने
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया