विराटनगर, माघ ८
विराटनगरका विवादास्पद उद्योगपति प्रदीप मुरारकाले बन्द अवस्थामा रहेको उद्योगलाई सञ्चालनमा ल्याएर राम्रो कमाइ गर्न थालेका छन् । उद्योग संगठन मोरङका उपाध्यक्षसमेत रहेका विवादास्पद उद्योगी मुरारकाले विराटनगरको कटहरी गाउँपालिकामा सञ्चालन गरेको श्रीराम रिफाइन प्रोडक्टले लामो समयदेखि आन्तरिक राजस्व कार्यालयमा मूअक र आयकरको विवरण दाखिला नगराएका कारण राजस्वबाट उद्योगको सम्पूर्ण कारोबार रोक्का गरेको थियो । तर, उद्योगी मुरारकाले पाम आयल भारत निकासी सुरु भएसँगै आन्तरिक राजस्व कार्यालयसँग समन्वय गरी उद्योग सञ्चालन गरेर अपेक्षाभन्दा करोडौँ कमाउन सफल भएको स्रोतले बताएको छ । पाम आयल भारत निकासी हुनुअगाडि पनि उद्योगी मुरारकाले सञ्चालन गरेको उक्त उद्योगले उत्पादन गरेको सोयाविन खाने तेलमा न्यून गुणस्तर भेटिएपछि खाद्य प्रविधि तथा गुण नियन्त्रण कार्यालयबाट आवश्यक कारबाही गरी मुद्दा दर्ताका लागि जिल्ला प्रशासन कार्यालय मोरङलाई अनुरोध भएको स्रोतले जनाएको छ ।
यसरी पटक–पटक विवादमा तानिएको श्रीराम रिफाइन उद्योगले लामो समयदेखि न्यून गुणस्तरको खाने तेल मिसावट गरी बिक्रीवितरण गरेको अभियोग लाग्ने गरेको रहस्यसमेत अहिले आएर खुलेको छ । तर, भारतले पाम आयलको निकासीमा सहजता गरेसँग बन्द उद्योग सञ्चालनमा ल्याएर उद्योगी मुरारकाले राम्रो कमाइ गरेका हुन् । पटक–पटक विवादमा तानिँदै आएका उनी उद्योग संगठन मोरङको कार्यसमितिमा आउँदा पनि व्यापकै आलोचित बन्नपुगेका उद्योगी हुन् ।
उनका सहोदर दाजु अशोक मुरारका पनि भ्याट तथा राजस्व चुहावटको अभियोग लागेपछि लामो समयदेखि फरार रहेका थिए ।, तर उनी पछिल्लो केही समययतादेखि विराटनगरमा सार्वजनिक भएका छन् । श्रीराम रिफाइन प्रोडक्टका सञ्चालक रहेका मुरारका पनि अहिले विराटनगरमा आलोचित बन्न पुगेका छन् । एउटै व्यक्तिबाट विभिन्न नामका फर्म तथा कम्पनी दर्ता गरी कारोबार गर्ने तर समयमा राजस्वमा विवरण दाखिला नगर्ने प्रवृत्ति उद्योगी मुरारकासँग भएको उद्योगीले नै जानकारी दिन थालेका छन् । स्रोतका अनुसार श्रीराम रिफाइन प्रोडक्टले सोयाविनको फ्लेवरमा गुणस्तरहीन तेल उत्पादन गर्नुका साथै उसको आर्थिक हिसाबकिताब पनि गोलमाल भएको रहस्य पाम आयलको भारत निकासी बन्द भएसँगै खुल्न पुगेको छ । पाम आयलको भारत निकासी बन्द भएसँगै मुरारकाको श्रीराम रिफाइनरी प्रोडक्टको उत्पादनसमेत अहिले पूर्णरूपामा बन्द भएपछि उनी समस्यामा परेका हुन् ।
क्याटेगोरी : समाचार
ताजा अपडेट
- एनपिएलको ट्रफी सार्वजनिक
- अष्ट्रेलियाका लागि नेपाली आवासीय राजदूत पदमा चित्रलेखा यादव नियुक्त
- एनपिएलले नेपालको पर्यटन प्रवर्द्धन र युवा प्रतिभालाई उजागर गर्नेछ: प्रधानमन्त्री ओली
- सभामुख घिमिरे र कम्बोडियाका प्रधानमन्त्रीबीच भेट
- नागार्जुनमा बाटो मिचेर बनाएको घर भत्काउन आदेश
- नेपाली बजारमा एलजीको नानोसेल टीभी सार्वजनिक
- नेसनल लाइफद्वारा बागमती प्रदेशका सीईओ क्लब सदस्यलाई सम्मान
- इ–सेवाको घर जित्ने विजेता घोषणा हुने
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया