सीआईबीद्वारा फरक–फरक कसुरका दुई प्रतिवादी पक्राउ
सुबास बस्नेत २०७८, साउन ११ १०:३५ 
काठमाडौं । केन्द्रीय अनुसन्धान ब्युरो (सीआईबी) ले बैंकिङ कसुर मुद्दामा फरार रहँदै आएकी निता भण्डारीलाई पक्राउ गरेको छ । सीआईबीका प्रवक्ता एवं सूचना अधिकारी प्रहरी उपरीक्षक श्याम कुुमार महतोका अनुसार बैंकिङ कसुर मुद्दाका फरार प्रतिवादी बूढानीलकण्ठ नगरपालिका–४ हात्तीगौँडा निवासी ४५ वर्षीया भण्डारीलाई आइतबार बूढानीलकण्ठबाट नै पक्राउ गरिएको हो ।
पक्राउ परेकी भण्डारीउपर बैंकिङ कसुर मुद्दामा उच्च अदालत पाटनले गत वैशाख ६ गते फैसला गर्दै चार दिन कैद र १० लाख रुपैयाँ जरिवाना ठहर गरेको प्रहरी उपरीक्षक महतोले जानकारी दिए । उच्च अदालतको फैसलापछि उनी फरार थिइन् ।
भण्डारीले आफ्नो खातामा पर्याप्त मौज्दात रकम नहुँदानहुँदै पीडितलाई झुक्याएर मुक्तिनाथ विकास बैंकको चेक काटिदिएकी थिइन् । भण्डारीलाई फैसला कार्यान्वयनको लागि जिल्ला अदालत काठमाडौंमा पेश गरिएको प्रहरी उपरीक्षक महतोले जानकारी दिए । यसैगरी सीआईबीले नेपाल मेडिकल काउन्सिलको प्रमाणपत्र किर्ते गरेको अभियोगमा ललितपुर महानगरपालिका–२ बस्ने ३६ वर्षीय विजय श्याम रञ्जितलाई काठमाडौं महानगरपालिका–३ महाराजगञ्जबाट पक्राउ गरेको छ ।
विजयले नेपाल मेडिकल काउन्सिल काठमाडौं बाँसवारीबाट चिकित्सकको रुपमा दर्ता हुनको लागि दर्ता प्रमाणप्रत्र प्रवेश परीक्षामा अनुत्तीर्ण भई नेपाल मेडिकल काउन्सिलको स्थायी दर्ता प्रमाणपत्र नम्बर १०८५५ को प्रमाणपत्रमा काउन्सिलको छाप लगाई, रजिष्ट्रारको दस्तखत समेत किर्ते गरेको सूचनाको आधारमा प्रहरी प्रधान कार्यालय केन्द्रीय अनुसन्धान ब्यूरो महाराजगञ्जबाट खटिएको प्रहरीले उनलाई महाराजगञ्जबाट पक्राउ गरेको हो ।
पक्राउ परेका रञ्जितलाई लिखतसम्बन्धी कसुरमा जिल्ला अदालत काठमाडौंबाट म्याद थप अनुमति प्राप्त गरी आवश्यक अनुसन्धान भइरहेको प्रहरी उपरीक्षक महतोको भनाइ छ ।
क्याटेगोरी : समाचार
ताजा अपडेट
- प्रहरी विधेयक मन्त्रिपरिषदमा पेस
- रास्वपा सभापति लामिछाने अझै १५ दिन हिरासतमा
- मृत्युपश्चात् मानव अङ्ग दान गर्ने परिवारलाई दुई लाख
- भारतीय स्थल सेनाध्यक्ष उपेन्द्र द्विवेदी स्वदेश फिर्ता
- राष्ट्रिय गौरवका आयोजनाका कामलाई गति दिन प्रधानमन्त्रीको चासो
- कुलमान विरुद्धको पेशी अर्को बर्ष मात्र !
- धरहरा चढ्न शुल्क लाग्ने
- बाल अधिकार रक्षकहरूको राष्ट्रिय भेला काठमाडौंमा सुरु
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया