पहिरोको त्रासमा लापीलाङका स्थानीय
सुबास बस्नेत २०७८, साउन १३ १३:४० 
दोलखा । जिल्लाको उत्तरी कालिञ्चोक गाउँपालिकाको एउटै वडाका सयभन्दा बढी घरपरिवार पहिरोको उच्च जोखिम रहेका छन् । गाउँपालिकाको वडा नम्बर ५ लापिलाङका स्थानीय पहिरोको उच्च जोखिम रहेको कालिञ्चोक गाउँपालिका अध्यक्ष विनकुमार थामीले बताए ।
थामिका अनुसार गाउँपालिकाको वडा नम्बर ५ का साथै १, ६ र ७ का नागरिक पनि पहिरोको उच्च जोखिम रहेका छन् । २०७२ सालमा गएको भूकम्पका कारण गाउँपालिकाको धेरै क्षेत्रको जमिन चिराचिरा परेर बसेको र सो जमिन बर्खामा लगातार पर्ने वर्षाको कारण पहिरो जाने गरेको अध्यक्ष थामीले बताए ।
गत वर्ष लापीलाङमा पहिरोले १० घर पुरेको थियो भने यस वर्ष पनि पहिरोले दुई घरलाई क्षति गरेको छ । त्यसैगरी कालिञ्चोककै वडा नम्बर १ र वडा नम्बर ६ मा १४ वटा घर पहिरोको उच्च जोखिम रहेको अध्यक्ष थामीले जानकारी दिए । गाउँपालिकाले गतवर्ष पहिरोले विस्थापित बनेका वडा नम्बर ५ का पहिरोपीडितलाई ५० हजारका दरले राहत दिदैँ नजिकको सुरक्षित विद्यालय र वडाको भवनमा सारेर राखेको थियो । अहिले पनि पहिरोको डरले सो वडाका दर्जनौं घरपरिवार विद्यालयमा बसेको उनले बताए ।
त्यसैगरी जिल्लाको गौरीशंकर गाउँपालिकाको वडा नम्बर १ जुँगुमा पहिरो दुई घर परिवारलाई विस्थापित बनाएको छ । यस्तै गाउँपालिकामा रहेको कोप्लाङ हाइड्रोपावरमा आंशिक क्षति गरेको जिल्ला प्रहरी कार्यलय दोलखाले जनाएको छ । यता जिल्लाको भीमेश्वर नगरपालिकाको वडा नम्बर १, ३, ७ र ९ का विभिन्न बस्ती पनि पहिरोको उच्च जोखिममा रहेको स्थानीयले बताएका छन् । पहिरोले जिल्लाका मुख्य तथा ग्रामीण सडक समेत दैनिक अबरुद्ध हुने गरेका छन् ।
क्याटेगोरी : नेपाल
ताजा अपडेट
- नेपाली बजारमा एलजीको नानोसेल टीभी सार्वजनिक
- नेसनल लाइफद्वारा बागमती प्रदेशका सीईओ क्लब सदस्यलाई सम्मान
- इ–सेवाको घर जित्ने विजेता घोषणा हुने
- धनी देशले प्रत्येक वर्ष तीन सय अर्ब अमेरिकी डलर तिर्ने सहमति
- सरकारी खर्चको वर्तमान अवस्था र स्थिति
- नेपालमा नबढेको चिनियाँ पर्यटकको संख्या
- द्वन्द्वपीडितका घाउचोटको छिटो उपचार गर
- राष्ट्रिय गौरवका आयोजनाका समस्या तत्काल समाधान गर्न प्रधानमन्त्रीको निर्देशन
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया