नक्कली मिति राखेर सामान बेच्ने गिरोह नै पक्राउ
दुई करोड मूल्यबराबरको सामान बरामद
सुरेश राउत २०७८, साउन १८ १०:३७ 
काठमाडौं । नक्कली मिति राखेर सामान बिक्रीवितरण गर्ने गिरोहलाई प्रहरीले पक्राउ गरेको छ । महानगरीय अपराध महाशाखा मिनभवका अनुसार झण्डै दुई करोड रुपैयाँ मूल्यबराबरको सामानमा नक्कली मिति राखेर बजारमा पठाउने तयारी भइरहँदा सामानसहित एक भारतीय र अर्का नेपाली नागरिक पक्राउ परेका हुन् ।
महाशाखाका प्रहरी उपरीक्षक कृष्ण प्रसाद कोइरालाका अनुसार पक्राउ पर्नेहरुमा पर्साको वीरगञ्ज महानगरपालिका १३ घर भई हाल काठमाडौं महानगरपालिका छाउनी बस्ने ३१ वर्षीय अविनाश अग्रवाल र भारतको राजस्थान सिकर जिल्ला घर भई हाल काठमाडौंको सानो भ-याङ बस्ने ४१ वर्षीय महावीर गजुर छन् ।
उनीहरुले म्याद गुज्रेका कस्मेटिक्स सामानहरु बडी स्प्रे, एयर फर्सेन, स्याम्पो तथा कार वासलगायतका सामानहरुमा पुरानो मिति उप्काई नयाँ मिती राखेर बिक्रीवितरण गर्दै आएका थिए । प्रहरीले उनीहरुमाथि शंका गर्दै अनुसन्धान गरिरहेको थियो । सो क्रममा आइतबार ती व्यक्तिहरुलाई सानोभ-याङबाट पक्राउ गर्न सफल भएको प्रहरी उपरीक्षक कोइरालाले बताए ।
सानो भ-याङस्थित समिट कमर्सियल प्रालिले भाडामा लिएको साढे तीनतले घरमा नयाँ मिति टाँस गरी बजारमा पठाउन तयारी अवस्थामा राखेको अन्दाजी एक करोड रुपैयाँ मूल्यबराबरको सामानसहित ती व्यक्तिहरु पक्राउ परेका हुुन् । सोपश्चात् उनीहरुको काठमाडौंको भोटेबहालमा रहेको गोदामबाट पनि सोही मूल्यबराबरको सामान बरामद भएको प्रहरी उपरीक्षक कोइरालाले जानकारी दिए ।
दुवै ठाउँमा गरी झण्डै दुई करोड रुपैयाँ मूल्यबराबरको बजारमा पठाउन तयारी अवस्थामा राखेको सामान बरामद भएको उनको भनाइ छ । दुवै जनाको गोदाममा वाणिज्य तथा उपभोक्ता हित संरक्षण विभाग बबरमहलको समन्वयमा सिल गरी थप अनुसन्धान तथा कारबाहीको लागि विभागमा पठाइएको प्रहरी उपरीक्षक कोइरालाले बताए ।
क्याटेगोरी : समाचार
ताजा अपडेट
- प्रहरी विधेयक मन्त्रिपरिषदमा पेस
- रास्वपा सभापति लामिछाने अझै १५ दिन हिरासतमा
- मृत्युपश्चात् मानव अङ्ग दान गर्ने परिवारलाई दुई लाख
- भारतीय स्थल सेनाध्यक्ष उपेन्द्र द्विवेदी स्वदेश फिर्ता
- राष्ट्रिय गौरवका आयोजनाका कामलाई गति दिन प्रधानमन्त्रीको चासो
- कुलमान विरुद्धको पेशी अर्को बर्ष मात्र !
- धरहरा चढ्न शुल्क लाग्ने
- बाल अधिकार रक्षकहरूको राष्ट्रिय भेला काठमाडौंमा सुरु
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया