डेल्टा भेरियन्टको उच्च जोखिम, सचेत रहन अपिल
सुबास बस्नेत २०७८, साउन १८ १२:०४ 
दोलखा । जिल्ला स्वास्थ्य कार्यालय दोलखाले पछिल्ला दिनहरूमा कोभिड १९ संक्रमण बढ्दो क्रममा रहेकोले आम सर्वसाधारणलाई सचेत रहन आग्रह गरेको छ । आइतबार एक विज्ञप्ति निकाल्दै कार्यालयले नेपालमा कोभिडका नयाँ भेरियन्टहरूको पहिचान भएको र निषेधाज्ञा केही खुकुलो भएसँगै दोलखामा पनि पछिल्ला दिनहरूमा कोभिड १९ संक्रमण बढ्दो क्रममा रहेकाले सावधानी अपनाउन आग्रह गरेको हो ।
पछिल्लो समय नमूना संकलन गरी परीक्षण गरिएकामा डेल्टा भेरियन्टसहित नयाँ भेरियन्टहरू समेत पुष्टि भएको र यी भेरियन्टहरूले सबै उमेर समूहका व्यक्तिहरूलाई असर पार्नसक्ने भएकाले स्वास्थ्य सुरक्षाका मापदण्डहरू कडाइका साथ पालना गर्न स्वास्थ्य कार्यालय दोलखाले अनुरोध गरेको छ । त्यसैगरी अति आवश्यक काममा बाहेक घर बाहिर ननिस्कन, निस्कनैपर्ने भएमा नाकमुख छोप्ने गरी मास्क लगाउन, एक–आपसमा भेट्दा कम्तीमा पाँच हातको दूरी कायम राख्न, बारम्बार साबुन पानीले कम्तीमा २० सेकेन्डसम्म मिचीमिची हात धुन अनुरोध गरेको छ ।
दोलखामा आइतबार परीक्षण गरेकामध्ये ५५ प्रतिशत मानिसलाई कोरोना संक्रमण पुष्टि भएको छ । ६१ जनाको कोरोना रिपोर्ट आउँदा ३४ जनालाई संक्रमण पुष्टि भएको स्वास्थ्य कार्यालय दोलखाले जनाएको छ । स्वास्थ्य कार्यालयका अनुसार भीमेश्वर नगरपालिकाको चरीकोट अस्पतालमा ४४ जनाको पीसीआर परीक्षण गर्दा २१ जना र अन्य पालिकाहरूमा १७ जनाको एन्टीजिन परीक्षण गर्दा १३ जना गरी ३४ जना नयाँ संक्रमित थपिएका हुन् । योसँगै सक्रिय संक्रमितको संख्या तीन सय ३१ पुगेको छ ।
क्याटेगोरी : बिबिध
ताजा अपडेट
- एमाले लुम्बिनी प्रदेश सभा सदस्य दुर्गा चौधरी पार्टी सदस्यबाट निलम्बित
- अदालतले पक्राउ पुर्जी जारी गरेका प्रहरी (इन्स्पेक्टर) १ बर्ष देखि कार्यरत रहेको खुलासा !
- राष्ट्रिय स्वतन्त्र पार्टी (रास्वपा)को धादिङ जिल्ला भेला सम्पन्न
- ‘जलवायु सङ्कट सामना गर्न सहकार्य आवश्यक’
- कीर्तिपुरमा विकास र सुशासनका मुद्दासहित चुनाव प्रचार तीव्र
- सामाजिक सुरक्षाकोषमा निजी क्षेत्र आबद्ध हुनैपर्ने
- धुलाबारीमा अतिक्रमित संरचना हटाउँदै मेचीनगर
- २७ सय १६ बिन्दुमा उक्लियो शेयर बजार
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया