धनबहादुर जप्रेल
महेन्द्रनगर, माघ १०
भीमदत्तका पूर्वनगर उपप्रमुख ईश्वरीप्रसाद खरेलले स्थानीय तह निर्वाचनपछि भीमदत्त नगरपालिकाको उत्तरी क्षेत्रमा निर्माण गरिएको जैविक धार्मिक पर्यटकीय मार्ग विकासको नमूना भएको बताए । यो मार्ग अवलोकन गरेका मन्त्री, सांसद, राजनीतिक दलका नेता, स्थानीय सबैले जैविक मार्गको प्रशंसा गर्दै आएका छन् । भीमदत्त नगरपालिकाले पछिल्ला दुई वर्षमा यस मार्गमा हाफ म्याराथन गरी जैविक मार्गको परिचय राष्ट्रियस्तरमा पु-याएको छ । म्याराथन धावक बैकुण्ठ मानन्धरको उपस्थितिमा गत वर्ष पहिलो पटक जैविक मार्गमा म्याराथन गरिएको थियो ।
‘२०४८ पछि यो नगरको विकास निर्माण हेर्दै आएका छौँ, वडा नं. ८, ८, १०, ७, ३ को घाँडीघाँच क्षेत्र कस्तो थियो, निकै दुर्गम थियो, साइकल या हिँडेर जानु पथ्र्याे’ उनले भने, ‘जैविक धार्मिक पर्यटन मार्ग बनेपछि त्यो क्षेत्र अहिले सुगम बनेको छ, अहिले त्यो क्षेत्रमा एम्बुलेन्स जान्छ, गाडी जान्छन, यसका लागि नगरपालिकालाई धन्यवाद दिन्छु ।’ भीमदत्त नगरपालिकाको ४२ वर्ष पुगेको अवसरमा मंगलबार आयोजित प्रथम स्थापना दिवस समारोहमा पू्र्वनगर उपप्रमुख ईश्वरीप्रसाद खरेलले जैविक धार्मिक पर्यटकीय मार्गको प्रशंसा गरे । भीमदत्त नगरपालिकाका नगरप्रमुख सुरेन्द्र विष्टले स्थानीय तह निर्वाचन गरेको प्रतिबद्धताअनुसार रौटेलादेखि ब्रह्मदेबसम्म जैविक मार्ग निर्माण गर्न भएको हो ।
१८ देखि २२ मिटर चौडा यो मार्ग रौटेलादेखि ब्रह्मदेवसम्म १५ किलोमिटर छ । बासिन्दाले कल्पना नगरेको यो मार्ग बनेपछि घाँडीघाँच क्षेत्रको परम्परागत पहिचान फेरिएको छ । स्थानीय तह निर्वाचनसम्म दुर्गम बस्तीका रूपमा चिनिने यो बस्ती अढाई वर्षमै सुगम बस्तीका रूपमा चिनिन पुगेको छ । पूर्वनगर उप प्रमुख खरेलले सार्वजनिक मञ्चबाट प्रशंसा गरी जैविक मार्गको महत्व प्रशंसा गरे । भीमदत्तका नगर प्रमुख विष्टले नगर चक्रपथको सपना सार्थक बनाउन उत्तरी क्षेत्रमा जैविक धार्मिक पर्यटन मार्ग र दक्षिणी क्षेत्रमा शुक्लाफाँटा राष्ट्रिय निकुञ्ज किनार शुक्लाफाँटा पर्यटन मार्ग निर्माण गरिएको छ । नगर प्रमुख विष्टले दुवै मार्गलाई जोडेर बाह्य चक्रपथ बनाउने योजना सुरु गर्नुभएको छ । ८३ किलोमिटर लम्बाईको बाह्य चक्रपथको ८३ किलोमिटर लम्बाइको छ । रौटेलाबाट बाह्य चक्रपथ निर्माण सुरु गरिएको छ ।
‘यो क्षेत्रमा यस्तो मार्ग बन्छ भन्ने हामीलाई लागेकै थिएन, सोच्नसमेत सकिएन’ भीनपा १ बारा कुण्डाका स्थानीय रविन्द्र कुँवरले भने, ‘यसले हामीलाई फाइदै फाइदा छ, अब गाडी चल्छन्, जग्गाको भाउ बढेको छ, चुरे जोगिएको छ, जङ्गली जनावरको डर हटेको छ, दुर्गम भन्ने पहिचान नै हट्यो ।’ घाँडीघाँच क्षेत्रलाई दुर्गम पिछडिएको भनेर विगतमा छोराहरूको विवाह गर्नसमेत समस्या हुने गरेको स्थानीय बताउँछन् । भीनपा नगर प्रमुख विष्टले आफ्नो चुनावी प्रतिबद्धताअनुसार मार्ग निर्माण गरी बस्तीलाई सुगम बनाएकोमा स्थानीयमाझ नगरप्रमुख विष्ट विकासको संवाहकका रूपमा परिचित छन् ।
घाँडीघाँच क्षेत्रका बुढाबुढी, युवा युवती, ज्येष्ठ नागरिक सबै नगरप्रमुख विष्टको विकास निर्माणका प्रशंसक बनेको छ । जैविक मार्गलाई हरियाली बनाउन किनारमा वृक्षारोपण गरिएको छ । वडा नं. ८ मा मार्ग किनारमा उद्यान निर्माण अघि बढेको छ । जैविक धार्मिक पर्यटकीय मार्गले वडा नं. १, ३, ७, ८, ९ र १० लाई एक–आपशमा जोडेको छ भने रौटेला, बाराकुण्डा, विष्णु मन्दिर धाम साकेतधाम, भम्केनी धाम, कालिताल झरना, झिलमिला र सिद्धनाथ मन्दिर जोडिएका छन् ।
जैविक मार्ग भएर भारतको पूर्णागिरी माताका दर्शनार्थीलाई रौटेलामा ल्याउने लक्ष्य राखिएको छ । त्यसका लागि नगरप्रमुख विष्टले मुसेट्टी नजिक महाकालीमा घाट सञ्चालनमा ल्याउन संघीय सरकारसित पहल गर्नुभएको छ । जैविक मार्गले जोडिने रौटेला, भम्केनी र ब्रह्मदेव पर्यटकीय गन्तव्यका रूपमा सूचीकृत छन् । सरकारले गत वर्ष एक सय नयाँ पर्यटकीय गन्तव्यको रूपमा ती स्थानलाई सूचीकृत गरेको थियो । भम्केनीमा धाममा नेपाल आमाको मूर्ति बनाउन एक करोड सहयोग गर्ने प्रतिबद्धता गरिएको छ । त्यसका लागि यस वर्ष ५० लाख रकम प्रदान गरिनेछ ।
क्याटेगोरी : बिबिध
ताजा अपडेट
- जलेश्वर प्रादेशिक अस्पतालका उपकरण प्रयोगविहीन
- २ किलो सुन सहित एक युवक पक्राउ
- दुर्गा प्रसाईंका समर्थकद्वारा कोटेश्वरमा प्रदर्शन
- वीरगञ्जबाट पोखरा जाँदै गरेको यात्रुबाहक बस दुर्घटना, १७ जना घाइते
- बगेर खेर गइरहेछ भोटको नुन
- आँबुखैरेनीमा ‘छात्रा बचत खाता’ कार्यक्रम सुरु
- नेपालमा लगानी गर्ने वातारण सृजना भएको छ: अर्थमन्त्री पौडेल
- भद्रकालीबाट एमाले जागरण सभाको र्याली प्रारम्भ
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया