भीमदत्तका पाँचवटा वडाका आफ्नै कार्यालय भवन !
धन बहादुर जप्रेल २०७८, भदौ १ ११:४० 
कञ्चनपुर । भीमदत्त नगरपालिकाका वडा कार्यालय आफ्नै भवनबाट सञ्चालन हुन थालेका छन् । स्थानीय तह निर्वाचनपछि नगरपालिकाले वडा कार्यालय भवन बनाउन थालेपछि वडा कार्यालय आफ्नै भवनबाट सञ्चालनमा आएका हुन् ।
हालसम्म भीमदत्तका ५ वडा कार्यालयले आफ्नै भवनबाट कामकाज सुरु गरेका छन् । यसअघि ती सबै वडामा भवन भाडामा लिएर कार्यालय सञ्चालन गरिएको थियो । भीमदत्त नगरपालिकाका मेयर सुरेन्द्र विष्टले संघीय शासन व्यवस्थाअनुसार स्थानीय सरकारका कामकाज वडास्तरबाट व्यवस्थित बनाउन वडा कार्यालय भवन बनाएको बताए । ‘नागरिकलाई वडास्तरबाटै सहज रूपमा सेवा दिन पूर्वाधार निर्माणलाई प्राथमिकताका साथ अघि बढाएका छौँ’, उनले भने, ‘त्यसका लागि अहिले ६ वटा वडा कार्यालय बनेका छन्, केही अन्तिम चरणमा र निर्माणाधीन छन् ।’ स्थानीय तह निर्वाचनपछि भाडामा लिएर कार्यालय सञ्चालन गरिएपछि नगरपालिकाले योजना बनाएर भवन निर्माण अघि बढाएको मेयर विष्टले बताए । ‘सुरुवती चरणमा भाडाको घरबाट सेवा सुरु गरेका थियौँ, अहिले नगरपालिकाले सबै वडामा कार्यालय निर्माण गर्ने योजना बनाएको छ’ उनले भने । भीमदत्तका वडा नं. २, ६, १२, १५, र १७ मा वडा कार्यालय भवन निर्माण भएर सञ्चालनमा आइसकेका छन् । वडा नं. १७ को वडा कार्यालय भीमदत्तमा सबैभन्दा पहिले सञ्चालनमा आएको हो ।
यस्तै ३, ५, ७, ९, ११, १४ र १९ नम्बर वडा कार्यालय भवनको निर्माण कार्य गत आर्थिक वर्षदेखि सुरु गरिएको छ । वडा नं. १, १८ र ४ को वडा कार्यालय भवन निर्माण अन्तिम चरणमा पुगेका छन् । भीमदत्त नगरपालिकाका नगरप्रवक्ता हिमालबहादुर चन्दले नयाँ भवन निर्माणपछि सेवा प्रवाह सहज भएको बताए । ‘भाडाको घरबाट वडा कार्यालय सञ्चालन गर्दा ठाउँ अभावले सेवा सम्पादन जटिलतासँगै नगरपालिकालाई आर्थिक भार थपिएको थियो’ उनले भने, ‘आफ्नै भवन हुँदा जनतालाई सेवा दिन सुविधा छ ।’ भीमदत्तले वडा कार्यालय भवन बनाउन केही वडामा जग्गा दान पाएको छ । केही वडामा जग्गा खरिद गरी भवन निर्माण अघि बढेको छ ।
क्याटेगोरी : बिबिध
ताजा अपडेट
- एमाले लुम्बिनी प्रदेश सभा सदस्य दुर्गा चौधरी पार्टी सदस्यबाट निलम्बित
- अदालतले पक्राउ पुर्जी जारी गरेका प्रहरी (इन्स्पेक्टर) १ बर्ष देखि कार्यरत रहेको खुलासा !
- राष्ट्रिय स्वतन्त्र पार्टी (रास्वपा)को धादिङ जिल्ला भेला सम्पन्न
- ‘जलवायु सङ्कट सामना गर्न सहकार्य आवश्यक’
- कीर्तिपुरमा विकास र सुशासनका मुद्दासहित चुनाव प्रचार तीव्र
- सामाजिक सुरक्षाकोषमा निजी क्षेत्र आबद्ध हुनैपर्ने
- धुलाबारीमा अतिक्रमित संरचना हटाउँदै मेचीनगर
- २७ सय १६ बिन्दुमा उक्लियो शेयर बजार
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया