पहिरोपीडितलाई खाद्यान्न सहयोग
सुबास बस्नेत २०७८, भदौ १ १४:०२ 
दोलखा । पहिरोले विस्थापित बनेका लापिलाङका पहिरो पीडितलाई प्रतिनिधिसभा सदस्य जिपछिरिङ लामाले खाद्यान्न सहयोग गरेका छन् । जिल्लाको कालिञ्चोक गाउँपालिकास्थित लापिलाङमा गएको पहिरोका कारण घरजग्गाविहीन बनेका करिब एक सय ५० पहिरोपीडित घरपरिवालाई सांसद लामाले राहतस्वरुप खाद्यान्न सहयोग गरेका हुन् ।
एक वर्षदेखि निरन्तर रूपमा झरिरहेको बस्तीमाथिको रानीवन पहिरोका कारण यहाँको एउटा सिंगो बस्ती नै विस्थापित बनेको छ । उनीहरुलाई कांग्रेस नेता समेत रहेका सांसद लामाले प्रतिपरिवार एक बोरा चामल, पाँच किलो दाल, एक लिटर तेल, नुनलगायतका खाद्यान्न सामग्री उपलब्ध गराएका हुन् । लामाले उपलब्ध गराएको सामग्री गत शनिबार दोलखा कांग्रेसका नेताहरूले लापिलाङ पुगेर पीडितहरूलाई हस्तान्तरण गरेका थिए ।
राहत सामग्री वितरणपछि दोलखा कांग्रेसका सचिवद्वय सन्तोष रिमाल र बालकृष्ण आचार्य, कालिञ्चोक गाउँपालिका सभापति अर्जुन सिवाकोटीलगायतले तत्काल पीडितको उद्धारमा लाग्न सबैलाई आग्रह गरेका थिए । गत वर्षको असारदेखि झरेको पहिरो क्रमशः फैलिँदै गएपछि लापिलाङका विभिन्न बस्तीहरू जोखिममा परेका छन् ।
पहिरोका कारण गत वर्ष बन्देथली र आसपासका १२ घरपरिवारको उठिबास नै लाग्यो । अहिले पनि झण्डै १५ घरपरिवारको उठिबास नै हुने गरी पहिरोले कटान गरिरहेको र थप घरपरिवार विस्थापित बनेको कालिञ्चोक गाउँपालिका पाँच स्थानीय युवा सहदेव खड्काले जानकारी दिए ।
उनका अनुसार रानीवनबाट झरेको पहिरो अहिले सिस्नेबारी, मैदान, काँडाबारी, बन्देथली हुँदै सिलाथारेसम्मको बस्तीमा पुगिसकेको छ । पहिरोका कारण त्यस क्षेत्रका स्थानीयहरू जेठ अन्तिमदेखि नै घर छोडेर अन्यत्र कष्टकर रूपमा बसोबास गरिरहेका छन् । पहिरोले रानीवनदेखि गुमुखोलासम्मको भूभाग दिनहुँ कटान गरिरहेको छ । वन क्षेत्रदेखि खोली किनारसम्मको भूगोलमा मात्रै झण्डै तीन किलोमिटर ठाडो जमिन कटान गरेकोले लापिलाङका आधा दर्जन बस्तीहरूमा जोखिम सिर्जना भएको खड्काले बताए ।
सामान्य वर्षा हुँदा पनि माथिबाट बगेर आउने लेदोले झनै असर गरिरहेको स्थानीयको गुनासो छ । खड्काका अनुसार ‘पहिरोले तल्लो भागबाट व्यापक कटौती गर्दै लगेको छ, यही रफ्तारमा तान्दै जाने हो भने केही दिनभित्रै सुनखानी–साङ्बा सडकसमेत अवरुद्ध हुनुका साथै माथिल्लो बस्ती नै बगाउनेछ ।’ शानिबार राहत सामग्री सहयोग गरेका कांग्रेस नेता जिपछिरिङ लामाले गत बिहीबार प्रतिनिधिसभा बैठकमा लापिलाङ पहिरोबारे सम्बोधन गर्न सरकारको ध्यानाकर्षण समेत गराएका थिए ।
क्याटेगोरी : बिबिध
ताजा अपडेट
- एमाले लुम्बिनी प्रदेश सभा सदस्य दुर्गा चौधरी पार्टी सदस्यबाट निलम्बित
- अदालतले पक्राउ पुर्जी जारी गरेका प्रहरी (इन्स्पेक्टर) १ बर्ष देखि कार्यरत रहेको खुलासा !
- राष्ट्रिय स्वतन्त्र पार्टी (रास्वपा)को धादिङ जिल्ला भेला सम्पन्न
- ‘जलवायु सङ्कट सामना गर्न सहकार्य आवश्यक’
- कीर्तिपुरमा विकास र सुशासनका मुद्दासहित चुनाव प्रचार तीव्र
- सामाजिक सुरक्षाकोषमा निजी क्षेत्र आबद्ध हुनैपर्ने
- धुलाबारीमा अतिक्रमित संरचना हटाउँदै मेचीनगर
- २७ सय १६ बिन्दुमा उक्लियो शेयर बजार
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया