रेमिट्यान्सलाई ऊर्जा, पूर्वाधार तथा उत्पादनमूलक क्षेत्रमा लगानी गर्ने प्रोत्साहनमूलक नीति बनाउन सुझाव
काठमाडौं । नेपाल चेम्बर अफ कमर्सले रेमिट्यान्सबापत नेपालमा भित्रिने रकम अनुत्पादक क्षेत्रमा खर्च भइरहेकोले बैंकिङ च्यानलमार्फत भित्रिने रेमिट्यान्सलाई ऊर्जालगायत पूर्वाधार तथा उत्पादनमूलक क्षेत्रमा लगानी गर्नका लागि प्रोत्साहनमूलक नीति बनाउन सरकारलाई सुझाव दिएको छ ।
चेम्बरको प्रतिनिधिमण्डलले मंगलबार ऊर्जा, जलस्रोत तथा सिँचाइमन्त्री पम्फा भुसाललाई भेटी नेपाल जलस्रोतको अपार भण्डार भएको मुलुक भएकोले ‘नेपालको पानी जनताको लगानी’ अवधारणाका आधारमा यसको उपयोग गर्न सकिएमा अर्थतन्त्रलार्ई समृद्ध बनाउन र गरिबी निवारणमा टेवा पुग्न जाने बताए । त्यसको लागि जलविद्युत्को क्षेत्रमा सहज लगानी गर्ने वातावरण सरकारले निर्माण गर्नुपर्नेमा चेम्बरको जोड थियो ।
भेटमा चेम्बर अध्यक्ष राजेन्द्र मल्लले भारत, बंगलादेश लगायत दक्षिण एसियाली क्षेत्रमा द्रुतगतिले आर्थिक उन्नतिको मार्गमा अग्रसर भइरहेकाले ती मुलुकहरुमा विद्युत् बजार विस्तार गर्न निरन्तर रुपले कूटनीतिक पहल गर्न सुझाव दिए । विद्युत् ऊर्जामार्फत पेट्रोलियम पदार्थको आयात विस्थापन गर्न स्थानीयस्तरमा विद्युत् उपभोग बढाउने रणनीति ल्याउन पनि उनले आग्रह गरे । ऊर्जा क्षेत्रमा लगानी बढाउन हेजिङसम्बन्धी व्यवस्था, जग्गा प्राप्तिको लागि सरलीकरण, आयकर छुट, प्रसारणलाइन र सबस्टेसन निर्माणसम्बन्धी रणनीतिक योजनाबारे पनि चेम्बरले सरकारलाई सुझाव दिएको छ ।
भेटमा ऊर्जा, जलस्रोत तथा सिँचाइमन्त्री भुसालले मुलुकको समृद्धिको आधारशिला कृषि, ऊर्जा तथा पर्यटन क्षेत्र रहेको बताइन् । उनले कृषि क्षेत्रको विकासको लागि विद्युतीय प्रयोगमा वृद्धि ल्याउन प्रोत्साहनमूलक कार्यक्रम ल्याइने जानकारी समेत दिइन् । यसका लागि सिँचाइको लागि सहुलियत दरमा विद्युत् प्रदान गरिने उनको भनाइ थियो । साथै विपन्न वर्गको लागि २० युनिट विद्युत् निःशुल्क प्रदान हुने उनले बताइन् ।
क्याटेगोरी : नेपाल
ताजा अपडेट
- प्रहरी विधेयक मन्त्रिपरिषदमा पेस
- रास्वपा सभापति लामिछाने अझै १५ दिन हिरासतमा
- मृत्युपश्चात् मानव अङ्ग दान गर्ने परिवारलाई दुई लाख
- भारतीय स्थल सेनाध्यक्ष उपेन्द्र द्विवेदी स्वदेश फिर्ता
- राष्ट्रिय गौरवका आयोजनाका कामलाई गति दिन प्रधानमन्त्रीको चासो
- कुलमान विरुद्धको पेशी अर्को बर्ष मात्र !
- धरहरा चढ्न शुल्क लाग्ने
- बाल अधिकार रक्षकहरूको राष्ट्रिय भेला काठमाडौंमा सुरु
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया