महेन्द्र शाही
सोलुखुम्बु, माघ १३
सोलुखुम्बुको थुलुङ दुधकोशी गाउँपालिका ६ मुक्ली र वडा नं ५ जुबुको बर्खुघाटस्थित दुधकोशी नदिमा ह्युमपाइप विच्छ्याइएपछि सिधा यातायात सञ्चालनमा आएको छ । स्थानीय सरकारको १८ लाख बजेटमा १६ वटा ह्युमपाइप खरिद गरी विच्छ्याइएपछि जुबु र लोखिम सडक सञ्जालले जोडिएको हो । सवारी सञ्चालनमा आएपछि त्यस भेगका स्थानीयले गाउँपालिकाको केन्द्र, सदरमुकाम सल्लेरी र आफ्नै जिल्ला हुँदै राजधानी आवतजावतका लागि सिधा सडक प्रयोग गर्न पाउने भएका छन् । दुधकोशीमा राखिएको ह्युमपाइपको शनिबार गाउँपालिका अध्यक्ष असिम राईले रिवन काटेर उद्घाटन गरे ।
उद्घाटनपछि वडा नं ४ जुबुस्थित जनकल्याण मावि परिसरमा आयोजित कार्यक्रममा अध्यक्ष राईले अस्थायीरूपमै भए पनि हरेक वडालाई गाउँपालिकाको केन्द्रसँग जोड्न सफल भएको बताए । ह्युमपाइप हिउँदका लागि मात्र भएकाले दिगो समाधानका लागि आफ्नै कार्यकालमा बर्खुघाटमा मोटरेबल पुल बन्ने दाबी गरे ।
पुल निर्माण लागि टेण्डर आह्वान भइसकेको जानकारी दिए । विकासमा पक्षपात नगरेको अध्यक्ष राईको भनाइ थियो । उनले भने, ‘जाति, पार्टी, भूगोल र क्षेत्रको आधारमा विकासमा विभेद गरिएको छैन् । सम्वृद्ध गाउँपालिकाको लागि स्थानीय सरकार र जनता मलेर विकासका क्रियाकलापमा होमन आवश्यक छ ।’ जनकल्याण माविलाई आवश्यक रहेको भवनका लागि अर्को वर्ष बजेट विनियोजन गर्ने प्रतिबद्धता व्यक्त गरे ।
वडा नं ४ का वडाअध्यक्ष नातिकाजी गुरुङले बर्खुघाटमा ह्युमपाइप राखिएपछि खोटाङ घुमेर राजधानीलगायतका क्षेत्रमा यात्रा गर्नुपर्ने बाध्यता हटेको बताए । उनले छिमेकी जिल्लाको उत्तरी भागमा आवतजावतका लागि पनि सहज भएको बताए । उनले भने, ‘अब गाउँपालिकाको केन्द्र हुँदै राजधानसम्म सिधा यातायात सञ्चालनका लागि व्यवसायीहरूसँग समन्वय गर्छौँ ।’
वडा नं ९ का वडाअध्यक्ष भुपालसिंह राईले बर्खुघाटमा ह्युमपाइप राख्नुले जनप्रतिनिधि र जनताको मनलाई जोडेको प्रतिक्रिया दिए । सामाजिक सञ्जालमा फोटो पोष्ट गर्दै वडाअध्यक्ष राईले दुधकोशीले वारिपारि बनाएको भूगोल जोड्नु जनप्रतिनिधि र जनताको मन जोडिनुजस्तै भएको बताएका हुन् । गाउँपालिकाको केन्द्र र सल्लेरीसम्म गुडेर आउने वातावरण बनेपछि स्थानीयले सहज महसुस गरेका छन् । यसअघि घन्टौ लगाएर जुबु, लोखिम र मुक्लीको उकाली–ओराली गर्नुपर्ने बाध्यता थियो ।
क्याटेगोरी : समाचार
ताजा अपडेट
- काठमाडौँमा बुधबारदेखि जनसङ्ख्या र विकाससम्बन्धी छैटौँ अन्तर्राष्ट्रिय सम्मेलन
- छोराद्वारा बुबाको हत्या
- दाङमा तोरीको उत्पादन बढ्दै
- कपिलवस्तुमा पाटेबाघको छालासहित एक व्यत्ति पक्राउ
- एनपिएलको ट्रफी सार्वजनिक
- अष्ट्रेलियाका लागि नेपाली आवासीय राजदूत पदमा चित्रलेखा यादव नियुक्त
- एनपिएलले नेपालको पर्यटन प्रवर्द्धन र युवा प्रतिभालाई उजागर गर्नेछ: प्रधानमन्त्री ओली
- सभामुख घिमिरे र कम्बोडियाका प्रधानमन्त्रीबीच भेट
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया