शंकर लुइँटेल
विराटनगर, माघ १४
आन्तरिक राजस्व कार्यालयमा बुझाउने व्यवसायी कारोबार हेर्दै गरेका विराटनगरका अडिटर प्रवल घिमिरेको शंकास्पद मृत्यु प्रकरणमा प्रहरीले मोरङका एक प्रतिष्ठित उद्योगी तथा व्यापारीमाथि सुक्ष्म छानबिन सुरु गरेको छ । विराटनगर महानगरपालिकासँगै रहेको शनिहाटका सांग्रिला रेडिमेट इण्डिष्ट्रिज प्रालिका सञ्चालक नन्दकिशोर राठी र उर्लाबारी मोरङगका व्यापारी अनिल महेश्वरी चाण्डकमाथि मोरङ प्रहरीले अनुसन्धान सुरु गरेको हो । चाण्डक पूर्वमिस नेपाल निकिता चाण्डकका पिता समेत रहेका छन् ।
अडिटरको मृत्यु हुनुपूर्व यी उद्योगी र घिमीरेले एकैसाथ विराटनगरका विभिन्न होटलमा पुगी मदिरा सेवन गरेको रहस्य पनि अहिले आएर खुलेका छ । विराटनगर महानगरपालिका २ निवासी अडिटर प्रवल घिमिरेको गत हप्ताको मंगलबार बिहान स्थानीय सिंघीया खोलामा मृत अवस्थामा शव भेटिएको थियो । उनी आठ वर्षयता लेखापरीक्षकको काम गर्दै आएका थिए । समाचारस्रोतका अनुसार घिमिरे गत हप्ताको सोमबार साँझ उद्योगी नन्दकिशोर राठीले बोलाएपछि उनकै उद्योगमा पुगेको कुरा थाहा भएको छ । राति अबेरसम्म घर नआएपछि परिवारले घिमिरेको खोजी गरेको रहस्य पनि अहिले आएर खुलेको छ । तर, मंगलबार बिहान उनको शव खोलामा भेटिएपछि अहिले परिवारमा घटना सुनियोजित भएको आशंका बढेर गएको कुरा स्रोतले दाबी गरेको छ ।
सोमबार साँझ घिमिरेसँग होटलमा बसेर खानपान गरेका नन्दकिशोर राठी र अनिल चाण्डकमाथि मोरङ प्रहरीले अनुसन्धान गरिरहेको कुरा थाहा भएको छ । अडिटर घिमिरेको साथमा रहेको मोबाइल पनि हराएका कारण घटना अझै शंकास्पद बन्न पुगेको कुरा प्रहरीस्रोतले बताएको छ । उद्योगी व्यापारीहरूलाई प्रहरीले निगरानीमा राखी अनुसन्धान गरिहेको छ । साथै उनीहरूको मोबाइलको कल डिटेलसमेत अनुसन्धानको लागि प्रहरीले मगाएको कुरा थाहा भएको छ । विराटनगर बजारक्षेत्रको सडकमा जडान गरिएका सीसी क्यामेरा फुटेजबाट पनि प्रहरीले अनुसन्धान गरिरहेको बताइएको छ ।
क्याटेगोरी : समाचार
ताजा अपडेट
- आज साँझ ५ बजे मन्त्रिपरिषद् बैठक बस्ने
- काठमाडौँमा बुधबारदेखि जनसङ्ख्या र विकाससम्बन्धी छैटौँ अन्तर्राष्ट्रिय सम्मेलन
- छोराद्वारा बुबाको हत्या
- दाङमा तोरीको उत्पादन बढ्दै
- कपिलवस्तुमा पाटेबाघको छालासहित एक व्यत्ति पक्राउ
- एनपिएलको ट्रफी सार्वजनिक
- अष्ट्रेलियाका लागि नेपाली आवासीय राजदूत पदमा चित्रलेखा यादव नियुक्त
- एनपिएलले नेपालको पर्यटन प्रवर्द्धन र युवा प्रतिभालाई उजागर गर्नेछ: प्रधानमन्त्री ओली
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया