सीमा नाका तातोपानीबाट दैनिक ३० कन्टेनर भित्रिन थाले
दिपक खत्री २०७८, असोज २४ १०:५८ 
सिन्धुपाल्चोक । नेपाल–चीनबीचको उत्तरी सीमा नाका तातोपानीबाट दैनिक ३० कन्टेनर भित्रिन थालेका छन् । चार्डपर्व नजिकिएसँगै दशैका मालसामान बोकेर कन्टेनर नेपाल भित्रिन थालेको हो । भूकम्प र भोटेकोशी बाढीको समस्याबाट थलिएको तातोपानी नाका ४८ महिना बन्दपछि २०७५ जेठमा खुलेको हो । त्यसयता पनि पटक–पटक नाका सञ्चालनमा अवरोध हुँदै आएको छ ।
अहिले ३० कन्टेनर आउन थालेपछि दशैँलक्षित सामग्री भित्रिएको छ । व्यवसायीले दशैंका लागि साउनदेखि नै सामान लोड गरे पनि समान आउन नसकेपछि व्यावसायीहरू समस्यामा पर्नेगरेका छन् । फलफूल, रेडिमेड लत्ताकपडा, रोल कपडा, इलोक्ट्रोनिक सामग्री, ओखरलगायत सामान ल्याउने गरेको तातोपानी भन्सार कार्यालयले जनाएको छ ।
तातोपानी भन्सार कार्यालयको अनुसार अन्य समयमा भन्दा चार्डपर्वमा आयात बढी हुने भएकाले व्यवसायीहरूले सामान धेरै हाल्ने गरेको पाइएको छ । कहिलेकाहीँ चिनियाँ अधिकारीहरूले नेपाली व्यवसायीहरूको मालसामान होल्ड गरिदिँदा केही समय ढिलाइ हुनेगरेको हो । अहिले भने त्यो समस्या कम हुँदै गएको भन्सार कार्यालयको भनाइ छ । अहिले दैनिक १० देखि १४ चिनियाँ कन्टेनरको सामान आउने गरेको छ । चिनियाँ १४ कन्टेनरको नेपालमा २८ कन्टेनर हुन्छ । तातोपानी भन्सार कार्यालयका प्रमुख भन्सार अधिकृत नारद गौतम भन्छन्, ’अहिले कोटा सिस्टममा गाडी छोडिएको छ । तर औसत आयातमा भने वृद्धि भएको देखिन्छ ।’
बाटो भत्किएको ठाउँमा सडक डिभिजन कार्यालय चरीकोटले तत्कालको लागि बाटो खुलाउने काम गरेको छ । उद्योग वाणिज्य संघ सिन्धुपाल्चोकका अध्यक्ष राजकुमार बस्नेत भन्छन्, ’हामीले नाका पूर्णरूपमा सञ्चालन गर्नको लागि चिनियाँ दूतावास, परराष्ट्रमन्त्रीदेखि प्रधानमन्त्रीसम्मलाई ज्ञापनपत्र बुझाए छौँ ।’ सरकारले नै कूटनीतिक तरिकाले सहज बनाउन आवश्यक रहेको उनले बताए ।
व्यावसायिक हिसाबले उत्तरी नाका छिटो र सहज हो । दशैँका लागि साउनमा समान हाल्ने भए पनि अहिले त्यो देखिँदैन । तातोपानी नाका सहज नहुँदा व्यवसायीहरू मर्कामा परेका छन् । व्यवसायीहरूले भने दैनिकी अहिलेको समयमा २५ देखि ३० चिनियाँ कन्टेनरले समान ल्याउनुपर्ने बताउँछन् । दैनिक करोडौँ राजस्व संकलन हुने यो नाकालाई सरकारले ध्यान नदिँदा अर्बौँ राजस्व गुमेको छ ।
क्याटेगोरी : समाचार
ताजा अपडेट
- एमाले लुम्बिनी प्रदेश सभा सदस्य दुर्गा चौधरी पार्टी सदस्यबाट निलम्बित
- अदालतले पक्राउ पुर्जी जारी गरेका प्रहरी (इन्स्पेक्टर) १ बर्ष देखि कार्यरत रहेको खुलासा !
- राष्ट्रिय स्वतन्त्र पार्टी (रास्वपा)को धादिङ जिल्ला भेला सम्पन्न
- ‘जलवायु सङ्कट सामना गर्न सहकार्य आवश्यक’
- कीर्तिपुरमा विकास र सुशासनका मुद्दासहित चुनाव प्रचार तीव्र
- सामाजिक सुरक्षाकोषमा निजी क्षेत्र आबद्ध हुनैपर्ने
- धुलाबारीमा अतिक्रमित संरचना हटाउँदै मेचीनगर
- २७ सय १६ बिन्दुमा उक्लियो शेयर बजार
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया