दोलखामा कोरोना निको हुने दर वृद्धि
सुबास बस्नेत २०७८, कात्तिक ८ १२:५६ 
दोलखा । पछिल्ला दिनमा कोरोना भाइरसको संक्रमण हुनेभन्दा निको हुनेदर वृद्धि हुँदै गएको छ । जिल्लाभर हालसम्म तीन हजार छ सय ७१ जनाले कोरोना भाइरस जितेका छन् । जिल्ला स्वास्थ्य कार्यालय दोलखाको तथ्यांक अनुसार दोस्रो लहरको कोरोना भाइरस संक्रमण हुने तीन हजार सात सय चार जनामध्ये तीन हजार छ सय ७१ जनाले कोरोना भाइरसलाई जितेर घर फर्केका हुन् ।
जिल्लामा हाल १६ जना कोरोना भाइरसका सक्रिय संक्रमित रहेका छन् । जिल्लामा आइतबार थपिएका तीन जना नयाँ संक्रमितसहित सक्रिय संक्रमितको संख्या १६ पुगेको हो । आइतबार एकै दिन थप नौ जना संक्रमित संक्रमण मुक्त भएका छन् । दोलखाका नौवटा स्थानीय तहमध्ये सबैभन्दा बढी भीमेश्वर नगरपालिका नागरिकलाई कोरोना संक्रमण भएको पाइएको छ । नगरपालिका सात सय ६२ पुरुष र छ सय ४३ जना महिला गरी जम्मा एक हजार चार सय पाँच जनालाई दोस्रो लहरको कोरोना पुष्टि भएको छ । त्यसैगरी जिरी नगरपालिकामा एक सय ७३ जना पुरुष र एक सय २९ जना महिला गरी जम्मा तीन सय दुई जनालाई वैशाखयता कोरोना संक्रमण भएको जिरी नगरपालिकाले जनाएको छ ।
जिल्लाको कालिञ्चोक गाउँपालिकामा दुई सय ७९ जनामा, गौरीशंकर गाउँपालिकामा एक सय ६३ जनामा, बिगु गाउँपालिकामा एक सय ६५ जनामा, तामाकोशी गाउँपालिकामा छ सय १२ जनामा कोरोना संक्रमण भएको थियो । त्यसैगरी शैलुङ गाउँपालिकामा एक सय ९२ जनालाई, मेलुङ गाउँपालिकामा दुई सय एक जना र बैतेश्वर गाउँपालिकामा दुई सय ८५ जनालाई कोरोना संक्रमण पुष्टि भएको थियो । हाल यी सबै संक्रमित निको भएका छन् ।
जिल्लामा हाल भीमेश्वर नगरपालिकामा १२ जना कोरोनाका सक्रिय संक्रमित रहेका छन् । त्यस्तै जिरी नगरपालिकामा दुई जना महिला र तामाकोशी र बैतेश्वर गाउँपालिकामा एक–एक जना महिला संक्रमितबाहेक अन्य सबै संक्रमणमुक्त भएको स्वास्थ्य कार्यालय दोलखाका स्वास्थ्य प्रमुख अर्जुन पौडेलले जानकारी दिए । यसैगरी कोरोना संक्रमणका कारण हालसम्म १३ जनाको मृत्यु भएको छ ।
क्याटेगोरी : बिबिध
ताजा अपडेट
- यस्तो छ बुधबारका लागि विदेशी मुद्राको विनिमय दर
- बाँसझ्याङमा सात क्विन्टल लसुन भेटियो
- एमाले लुम्बिनी प्रदेश सभा सदस्य दुर्गा चौधरी पार्टी सदस्यबाट निलम्बित
- अदालतले पक्राउ पुर्जी जारी गरेका प्रहरी (इन्स्पेक्टर) १ बर्ष देखि कार्यरत रहेको खुलासा !
- राष्ट्रिय स्वतन्त्र पार्टी (रास्वपा)को धादिङ जिल्ला भेला सम्पन्न
- ‘जलवायु सङ्कट सामना गर्न सहकार्य आवश्यक’
- कीर्तिपुरमा विकास र सुशासनका मुद्दासहित चुनाव प्रचार तीव्र
- सामाजिक सुरक्षाकोषमा निजी क्षेत्र आबद्ध हुनैपर्ने
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया