काठमाडौँ । ओमानमा गैरकानुनी रुपमा बसेका नेपालीलाई डिसेम्बर अन्तिसम्ममा ओमान छाड्न त्यहाँको सरकारले निर्देशन दिएको छ । योसँगै ओमानमा भिसालगायतका आधिकारिक कागजातविना काम गरिरहेका तथा रोजगारदाताको सम्पर्कबाहिर रहेका नेपालीहरूले ३१ डिसेम्बर ओमान छाड्नुपर्ने भएको छ ।
ओमानमा विभिन्न समयदेखि भिसा नवीकरण नभएको वा विना जानकारी आफ्नो रोजगारदाता छोडी विलखबन्द भई अन्यत्र काम गरिरहेका नेपाली नागरिकहरू स्वदेश फर्किन चाहेमा ओमानको श्रम मन्त्रालयको स्वीकृति लिएर ३१ डिसेम्बर २०२१ सम्म ओमान छोड्नका लागि श्रम/भिसा सम्बन्धी कुनै पनि किसिमको जरिवाना तिर्नु नपर्ने निर्णय भएको ओमान, मस्कटस्थित नेपाली राजदूतावासले जानकारी दिएको छ ।
गैरकानुनी रुपमा ओमानमा रहेका नेपाल फर्किन इच्छुक नेपालीहरूलाई ओमानको श्रम मन्त्रालयबाट स्वीकृति लिन दर्ता गर्ने समय यही डिसेम्बर २०२१ सम्मका लागि थप गरिएकोले ओमानमा विभिन्न कारणले आफ्नो रोजगारदाताको सम्पर्क बाहिर रहेका तथा भिसा÷राहदानीको म्याद सकिएका नेपालीहरुलाई नेपाली दूतावासमा अविलम्ब सम्पर्क गर्न समेत नेपाली दूतावासले आग्रह गरेको छ ।
श्रम सहचारी दिनेश ढकालका अनुसार यसरी नेपाल जान चाहने नेपाली नागरिकहरूले (पासपोर्टको म्याद सकिएर ट्राभल डकुमेन्ट बनाउन परेमा वा यस सम्बन्धी थप केही बुझ्नुपरेमा) नेपाली दूतावासको सहयोग लिन समेत आग्रह गरिएको छ । आपराधिक गतिविधिमा संलग्न भई रोजगारदाताले प्रहरीमा उजुरी गरेकाहरूको हकमा यो प्रक्रिया लागू नहुने बताइएको छ ।
श्रम सहचारी ढकालका अनुसार सोही प्रक्रियाअनुरुप यसअघि दूतावासको पहलमा करिब ५० जना नेपालीहरु स्वदेश फर्किसकेको बताएका छन् । ओमानमा धेरै संख्यामा नेपालीहरु रहेको पाइन्छ । आर्थिक वर्ष ०७७/०७८ मा करिब चार हजार नेपाली युवाहरु ओमान जानका लागि श्रम स्वीकृति लिएको पाइन्छ । वर्षेनी हजारौँ युवाहरु ओमान जाने हुँदा त्यसमध्ये कैयौँ युवाहरु कम्पनी छाड्ने, विना कागजात काम गर्ने, म्याद सकिएपछि पनि काम गरेर बस्नेलगायतका कारण गैरकानुनी रुपमा बसेको पाइन्छ ।
यसैबीच पछिल्लो समय मस्कटस्थित नेपाली दूतावास राजदूतविहीन समेत बनेको छ । असोज २६ गते ओमानका लागि नेपालका राजदूत डा.सर्मिला पराजुली ढकाल फिर्ता भएसँगै नेपाली दूतावास राजदूतविहीन हुनपुगेको हो । सरकार परिवर्तनसँगै राजदूत परिवर्तन हुने हाम्रो संस्कारले गर्दा पछिल्लो समय विभिन्न मुलुकमा रहेका नेपाली राजदूतावास राजदूतविहीन हुनपुगेको हो ।
क्याटेगोरी : समाचार
ताजा अपडेट
- विवाह पञ्चमीलाई व्यवस्थित बनाउन दुई हजारबढी सुरक्षाकर्मी परिचालन
- प्रधानमन्त्री ओलीसँग राष्ट्रिय फोटो पत्रकार समूहको भेट
- २७ सय ५६ बिन्दुमा उक्लियो शेयर बजार
- रुपन्देहीमा आयल निगमको लुम्बिनी प्रादेशिक भण्डारण गृह बन्ने
- संविधानको मूलभूत विषयमा कसैले चाहेर पनि संशोधन हुँदैन: थापा
- प्रधानमन्त्री ओली मंसिर १७ गते चीन जाने
- तत्काल उद्योगको लाइन नकाट्ने समितिको बैठकको निर्णयमा दुई सञ्चालकको फरक मत
- सर्वोच्चद्वारा सुन व्यवसायमा संघको सिन्डिकेट रोक्न अन्तरिम आदेश
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया