काठमाडौं । सिन्धु विकास बैंकको दोलालघाट शाखामा ग्राहकको निक्षेप रकम हिनामिना गरेको अभियोगमा पक्राउ परेका सोही बैंकका दोलालघाट शाखा प्रमुख सुमन खरेल अनुसन्धानका क्रममा अझै सीआईबीको हिरासतमा छन् । बैंकिङ कसुरको अभियोगमा यही कात्तिक ८ गते पक्राउ परेका खरेलउपर पटक–पटक म्याद थप गर्दै सीआईबीले अनुसन्धान गरिरहेको छ ।
सीआईबीका अनुसार रकम हिनामिना गरेको अभियोगमा पक्राउ परेका काभ्रेको साबिक भुम्लुटार गाविस हाल भुम्लु गापा वडा नं. ८ घर भएका ३१ वर्षीय खरेललाई पहिलोपटक सात दिनको म्याद थप गरिएको थियो । प्रारम्भिक अनुसन्धानअनुसार सिन्धु विकास बैंकको काभ्रे, दोलालघाट शाखाले दैनिकरुपमा संकलन हुने कारोबारबाट जम्मा भएको मौज्दात रकमलाई एनसीसी बैंकको सिन्धुपाल्चोकको बाह्रबीसे शाखामा नियमितरुपमा जम्मा गर्ने गरेको थियो ।
तर सिन्धुु विकास बैंकको दोलालघाट शाखामा कार्यरत शाखा प्रमुख खरेलले एक करोड ७९ लाख ९० हजार आठ सय ५५ रुपैयाँ एनसीसी बैंकको खातामा जम्मा नगरी आफूले रकम निकाली बैंकको सम्पत्ति अपचलन गरेको देखिएको सीआईबीका एक अनुसन्धान अधिकृतले बताए । यसरी ग्राहकको निक्षेप रकम अपचलन गरी बैंकिङ कसुर गर्ने कार्यमा संलग्न खरेललाई कात्तिक ८ गते पक्राउ गरी उच्च अदालत पाटनबाट पहिलोपटक सात दिनको म्याद थप गरिएको ती अधिकृतले बताए ।
पक्राउ परेका खरेलमाथि हाल बैंकिङ कसुर तथा सजाय ऐन, २०६४ बमोजिम आवश्यक कानुनी कारबाहीका लागि अनुसन्धान भइरहेको उनको भनाइ छ । ‘सामान्यतया रकम अपचलनसम्बन्धी यस्तो घटनामा सामान्यतया दुई जना व्यक्ति संलग्न हुुने गरेको देखिन्छ, एउटा रकम लाने ल्याउने र अर्को रकमको हिसाबकिताब चुस्त दुरुस्त राख्ने तर सिन्धुु विकास बैंकको दोलालघाट शाखामा भएको रकम अपचलनमा भने हालसम्म खरेलको मात्र संलग्नता देखिएको छ’, ती अधिकारीले भने ।
उक्त शाखामा पहिला रकम लाने ल्याउने काम खरेलले गर्ने गरेको र पछि सोही व्यक्तिलाई नै बैंकले उक्त शाखाको इन्चार्ज दिएकाले पनि हालसम्मको अनुसन्धानमा खरेलको मात्र संलग्नता देखिएको हो । अनुसन्धान गर्दै जाँदा अन्य कर्मचारीहरुको पनि संलग्नता देखिए उनीहरुमाथि पनि अनुसन्धान हुने सीआईबीले जनाएको छ ।
क्याटेगोरी : समाचार
ताजा अपडेट
- नबिल एसएसईको वार्षिकोत्सव
- कृषि विकास बैंकको मेलम्ची शाखाको सहयोग
- सिद्धार्थ बैंक र एनसीएचएलबीच अली पे प्लसमार्फत अन्तरदेशीय भुक्तानी गर्ने सम्झौता
- कांग्रेसको सयदिने अभियान सुरु
- ट्रकले स्कुटरलाई ठक्कर दिँदा एकको मृत्यु, एकको अवस्था गम्भीर
- मलको अभाव हुँदा खेती गर्न समस्या
- मकवानपुरमा सुतिरहेका साथीको साबेल प्रहार गरी हत्या
- सिटिजन्स बैंकको कम्पनी सचिवमा प्रमेशराज कायस्थ
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया