किबीको मागमा कमी
सुबास बस्नेत २०७८, कात्तिक २९ ११:०२ 
दोलखा । हिमाली जिल्ला दोलखाका विभिन्न भेगमा लगाइएको किबी टिप्ने सिजन सुरु भएको छ । यहाँका दर्जनौँ किसानले व्यावसायिक रूपमा किबीको खेती गर्दै आएका छन् । गत वर्षको तुलनामा यो वर्ष किबीको माग कम रहेको जिल्लाका किसान तथा व्यापारीहरूले बताएका छन् । गत वर्ष पनि कोरोना भाइरसको कारण किबी सस्तोमा किनबेच भएको चरीकोटका स्थानीय फलफूल व्यापारी अर्जुन राउतले बताए । किबीको सिजन भर्खरै सुरु भएकाले पनि कात्तिक महिनामा माग कम रहेको उनको भनाइ छ ।
गत वर्ष पनि बजारका व्यापारीले ४० रूपैयाँ सस्तोमा किबी बिक्री गरेका थिए । जिल्लाको भीमेश्वर नगरपालिका र शैलुङ गाउँपालिकामा अन्य ठाउँको तुलनामा धेरै किबी खेतीहुने गरेको छ । गतवर्ष कोरोनाले कम मूल्यमा किबी बिक्री गरेका किसानहरू यो वर्ष भने मूल्य वृद्धि हुने आशामा रहेका छन् ।
गत वर्ष कोरोना भाइरसका कारण बाहिरी पर्यटकको दोलखामा आगमन हुन नसक्दा किबीको व्यापार नभएको दोलखाको शैलुङ गाउँपालिका –८ मा किसान माधव खत्रीले बताए । उनको बारीमा यो वर्ष करिब एक हजार पाँच सय केजी किबी फलेको छ । दोलखामा किबी खेती चारैतिर गरिन थालेपछि उत्पादन वृद्धि हुँदै गएको र बजार सानो भएकाले जिल्लामा किबीको माग कम हुनु स्वाभाविक भएको खत्री बताउँछन् ।
क्याटेगोरी : सहकारी–कृषि
ताजा अपडेट
- ‘हिउँ चितुवा संरक्षणमा लगानी बढाउनुपर्छ’
- हनी ट्रयापमा संलग्न रहेको अभियोगमा तीन जना पक्राउ
- नाष्टको ४८औँ प्राज्ञसभा: १२ विधामा पुरस्कृत गरिने
- २७ सय ४८ बिन्दुमा खुम्चियो शेयर बजार
- नेपालमा विज्ञान, इन्जिनियरिङ क्षेत्रमा चुनौती: उपप्रधानमन्त्री सिंह
- ‘परियोजनाको लाभ लक्षित वर्गमा सुनिश्चित हुनुपर्ने’
- पाल्पामा धान उत्पादन बढेपछि किसान उत्साहित
- सरकारले निजी क्षेत्रसँग सहकार्य गर्न खोजेको छ: मन्त्री भण्डारी
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया