काठमाडौं । रोटरी क्लब अफ काठमाडौँ मिड टाउनले श्री आजाद आधारभूत विद्यालयलाई सहयोग हस्तान्तरण गरेको छ । ‘रोटरी भूकम्प राहत कार्यक्रम ईआरआरआरपी’ अन्तर्गत रोटरी डिस्ट्रिक्ट ३२९२ को सहयोगमा रोटरी क्लब अफ काठमाडौँ मिड टाउनले सो विद्यालयको कक्षाकोठाहरुको निर्माण सम्पन्न गरेको हो । साथै क्लबले विद्यालयलाई डेस्क, बेन्च, कम्प्युटर टेबल, कुर्सी, दराज तथा अन्य फर्निचरहरु समेत उपलब्ध गराएको छ ।
दया फाउन्डेसनद्वारा सहयोग प्रदान गर्दै आइरहेको काठमाडौं लगनस्थित उक्त विद्यालय २०७२ सालको महाभूकम्पले भौतिक संरचनाहरुमा क्षति पु-याएको कारणले विद्यार्थीहरुलाई पठनपाठनमा कठिनाइ भइरहेको थियो । विद्यालय परिसरमा शुक्रबार आयोजना गरिएको एक कार्यक्रमको बीच विद्यालय व्यवस्थापनलाई नवनिर्मित कक्षा कोठासँगै डेस्क, बेन्च, कम्प्युटर टेबल, कुर्सी, दराज तथा अन्य फर्निचरहरुको हस्तान्तरण गरिएको हो । दया फाउन्डेसनका अध्यक्ष राजेश प्रधानले यस विद्यालयको गुणस्तरीय शिक्षाको लागि फाउन्डेसनले पु-याइरहेको सहयोगले करिब एक सय बालबालिका लाभान्वित हुने जानकारी दिए ।
उक्त आयोजनाको सुरुवात सन् २०१९ मै सुरु गरिएको भए पनि कोभिड महामारीका कारण सिर्जित लकडाउनका कारण निर्माणकार्य सम्पन्न गर्न ढिला हुनगएको रोटरी डिस्ट्रिक्ट ३२९२ का एसिस्टेन्ट गभर्नर निभा माथेमा प्रधानले बताइन् । कार्यक्रमको प्रमुख अतिथि दया फाउन्डेसनका पूर्वअध्यक्ष तथा रोटरी डिस्ट्रिक्ट ३२९२ का एसिस्टेन्ट गभर्नर निभा माथेमा प्रधान थिए भने विशिष्ट अतिथि दया फाउन्डेसनका अध्यक्ष राजेश प्रधान र रोटरी क्लब अफ काठमाडौँ मिड टाउनका प्रेसिडेन्ट प्रमोद पौडेल थिए ।
क्याटेगोरी : बिबिध
ताजा अपडेट
- इजरायली राजदूतद्वारा बिपी सङ्ग्रहालयको निरीक्षण
- बिआरआईअन्तर्गत सरकारले ऋण नलिने: सञ्चारमन्त्री
- टाटा ग्रिन ब्याट्रीको च्यानल पार्टनर मिट
- सिप्रदीको म्याक स्टार नाइट कार्यक्रम
- टिकटक र चाइल्ड सेफनेटको सहकार्य
- बस सेवाको शतप्रतिशत क्यासब्याक अफर
- ‘ब्ल्याक सार्क’ नेपाल भित्रिने अन्तिम तयारीमा
- (रास्वपा)का नेताहरुविरुद्ध अदालतको अवहेलना मुद्दा न्यायाधीशद्वय शर्मा र निरौलाको संयुक्त इजलासमा
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया