हात्तीको आक्रमणबाट मृत्यु भएका मगर परिवारलाई १० लाख सहयोग
बटुकनाथ झा २०७८, मंसीर १० ११:५७ 
जनकपुर । आठ महिनाअघि धनुषाको मिथिला नगरपालिका ७ मा जंगली हात्तीको आक्रमणबाट मुत्यु भएका ८० वर्षीय पदमबहादुर खप्तरी मगरका परिवारलाई सरकारले १० लाख रुपैयाँ राहत उपलब्ध गराएको छ ।
जिल्ला प्रशासन कार्यालय धनुषामा बिहीबार आयोजित एक कार्यक्रमबीच धनुषाका प्रमुख जिल्ला अधिकारी बन्धुप्रसाद बास्तोला र वन डिभिजन कार्यालय धनुषाका प्रमुख सुनिलकुमार कर्णले संयुक्तरूपमा १० लाख रुपैयाँको चेक मृतकका पत्नी टुकीमाया खप्तरी मगरलाई प्रदान गरे । वन्यजन्तुबाट हुने क्षतिको राहत सहयोग निर्देशिका २०६९ बमोजिम संघीय वन मन्त्रालयले जिल्ला वन कार्यालय धनुषामार्फत सो राहत रकम मृतकका परिवारलाई उपलब्ध गराएको हो ।
राहत रकमको बुझ्दै मृतक मगरका ७४ वर्षीया पत्नी टुकीपमायाले आफूलाई सरकारले यसप्रकारको सहयोग गरेपछि आफ्नो बाँकीको जीवन जिउन सहज हुने बताइन् । २०७७ साल चैत १६ गते राति धनुषाको मिथिला नगरपालिका ७ मा जंगली हात्तीको आक्रमणमा परी पदमबहादुर खप्तरी मगरको मृत्यु भएको थियो ।
क्याटेगोरी : बिबिध
ताजा अपडेट
- कीर्तिपुरमा विकास र सुशासनका मुद्दासहित चुनाव प्रचार तीव्र
- सामाजिक सुरक्षाकोषमा निजी क्षेत्र आबद्ध हुनैपर्ने
- धुलाबारीमा अतिक्रमित संरचना हटाउँदै मेचीनगर
- २७ सय १६ बिन्दुमा उक्लियो शेयर बजार
- इजरायली राजदूतद्वारा बिपी सङ्ग्रहालयको निरीक्षण
- बिआरआईअन्तर्गत सरकारले ऋण नलिने: सञ्चारमन्त्री
- टाटा ग्रिन ब्याट्रीको च्यानल पार्टनर मिट
- सिप्रदीको म्याक स्टार नाइट कार्यक्रम
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया