बजार व्यवस्थापन फितलो हुँदा उपभोक्तालाई सास्ती
रमन वन २०७८, मंसीर २१ ११:१४ 
सोलुखुम्बु । जिल्ला सदरमुकाम सल्लेरीस्थित साप्ताहिक हाट नयाँ बजारको व्यवस्थापनमा कमजोरी पाइएको छ । वर्षौँदेखि हाट लाग्दै आएको सो क्षेत्रको व्यवस्थापन कमजोर हुँदा बजार नै अस्तव्यस्त भएको सर्वसाधारणको गुनासो छ ।
सोलुदुधकुण्ड नगरपालिका ६ मा पर्ने नयाँ बजारमा सडकको दायाँबायाँ भागमा नै विभिन्न सामग्रीहरू राखेर बिक्री गर्ने तथा सोही स्थानमा सवारी पार्क गर्दा जाम हुनेगरेको क्रेता पेमा रिन्जी शेर्पाले गुनासो गरे । सामग्री राखेर बेच्ने स्थान र सडक विभाजन नहुँदा दुर्घटनाको जोखिमलाई बढवा दिइरहेको अर्का क्रेता सुजन मगरकोे भनाइ छ । अन्य समयमा खासै समस्या नहुने भए पनि शनिबारका दिन मानिसहरूको भिड समेत बाक्लो हुने भएकाले सो दिन बजार व्यवस्थापन समितिले उचित व्यवस्थापन गर्नुपर्ने अर्का क्रेता सर्मिला राई गुनासो गरिन् ।
बजारको व्यवस्थापन गर्ने दायित्व व्यवस्थापन समितिको भए पनि बजार क्षेत्र अस्तव्यस्त हुँदा समेत व्यवस्थापन समिति मुकदर्शक बनेको सवारीचालक युवराज तामाङको भनाइ छ । हाटमा किनमेल गर्न आएका मानिसहरूले जथाभावी सवारी पार्क गर्नेगरेका कारणले पनि शनिबार सवारी जाम हुनेगरेको व्यापारी हिरा राईले बताइन् । जसका कारण गाडी जाम हुने, बजार नै अस्तव्यस्त हुनेजस्ता समस्या देखिने गरेको प्रत्यक्षदर्शीहरूले बताएका छन् ।
बजार व्यवस्थापन समितिका अध्यक्ष इन्द्र श्रेष्ठले व्यवस्थापनमा कमजोरी भएकाले सुधार गर्ने बताए । अध्यक्ष श्रेष्ठले बजारलाई व्यवस्थित गर्ने दायित्व समितिको भए पनि पछिल्लो समय समन्वय नहुँदा समस्या भएको बताए । यता वडा अध्यक्ष राम कुमार श्रेष्ठले शनिबारे हाटमा जथाभावी पार्क गरिएको सवारी साधनलाई ट्राफिक प्रहरीले व्यवस्थापन गरेको खण्डमा अन्य समस्या आफैँ समाधान हुने बताए ।
क्याटेगोरी : बिबिध
ताजा अपडेट
- ज्योति विकास बैंक सम्मानित
- मानव तस्करीमा मुछिएका ११ जना विरुद्ध मुद्दा पूर्वमन्त्री अधिकारीलाई उन्मुक्ति !
- राहदानी प्रणालीमा ‘र्यान्समवेअर’ आक्रमण भएको कसरी थाहा भयो, कहिलेदेखि सबैतिर सेवा सुरु हुन्छ?
- श्रीलंकाको विद्युत् पूर्वाधारका लागि एडीबीले २० करोड डलर ऋण दिने
- युक्रेनद्वारा रूसी तेल तथा ऊर्जा केन्द्रमा प्रहार
- बदलिँदै दुर्गमको परिचय
- चन्द्रागिरिद्वारा युवालाई ‘डिजिटल’ तालिम
- सेती नदीको पुल निर्माण: २८ प्रतिशत भौतिक प्रगति
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया