काठमाडौं । नेपाल उद्योग वाणिज्य महासंघले काठमाडौँमा कोभिडपश्चात्को नवउत्थान सम्मेलनको आयोजना गर्ने भएको छ । कोभिड १९ को महामारी प्रकोपबाट अर्थतन्त्रमा परेको प्रभावका साथै अर्थतन्त्रलाई अझ बढी गतिशील तथा चलायमान बनाउन हुनुपर्ने व्यवस्थाहरूसहित छलफल गर्ने उद्देश्यले महासंघले आगामी बुधबार उक्त सम्मेलनको आयोजना गर्न लागेको हो ।
कोभिड–१९ बाट बढी प्रभावित क्षेत्रहरू पर्यटन तथा मनोरञ्जन, साना, घरेलु तथा मझौला उद्यम व्यवसाय, निर्यातका साथै बैंकिङ क्षेत्रमा केन्द्रित रहेर उक्त सम्मेलन आयोजना गरिनेछ । सम्मेलनको मुख्य थिम बदलिँदो परिस्थितिमा तीव्र र दिगो आर्थिक वृद्धिको बहस रहेको महासंघले जनाएको छ । सम्मेलन, अर्थतन्त्रलाई पुनः चलायमान कसरी बनाउने, समस्या समाधानका उपायहरू के–के हुन सक्छन्, कसरी थलिएको व्यवसाय क्षेत्रलाई पुनरूत्थान मात्र नभई व्यवसायमा थप ऊर्जा भर्न सकिन्छ भन्ने विषयमा केन्द्रित हुनेछ । सम्मेलनको उद्घाटन अर्थमन्त्री जनार्दन शर्माले गर्नेछन् । सम्मेलनको उद्घाटनसत्रलाई अर्थमन्त्री शर्मा, महासंघका अध्यक्ष शेखर गोल्छा, आईएलओ नेपालका निर्देशक डा. रिचर्ड हवार्ड र महासंघका वरिष्ठ उपाध्यक्ष चन्द्रप्रसाद ढकालले संवोधन गर्नेछन् ।
महासंघका अनुसार उद्घाटनपछि चारवटा सत्र चल्नेछन् । यस्तै समापन कार्यक्रममा महासंघका अध्यक्ष गोल्छाले सम्मेलनको निष्कर्ष प्रस्तुत गर्नेछन् । सम्मेलन अगाडि महासंघका सम्बन्धित समितिले यी विषयमा गहन छलफल गरी प्रतिवेदन तयार पारेका थिए । उक्त प्रतिवेदनमा सम्मेलनका क्रममा आएका सुझाव समेत समावेश गरी समापनसत्रमा योजना आयोग र अर्थ मन्त्रालयलाई बुझाइनेछ । साथै सम्बन्धित मन्त्रालय र निकायहरूमा पनि सम्मेलनबाट आएका सुझावहरू बुझाइने कार्यक्रम छ ।
सम्मेलनमा पेस गरिने दस्ताबेज महासंघका समिति सभापतिहरू क्रमशः ज्योत्सना श्रेष्ठ (पर्यटन समिति), डीबी बस्नेत (घरेलु तथा साना उद्योग समिति), मनिषलाल प्रधान (निर्यात प्रवद्र्धन समिति), शाहिल अग्रवाल (बैकिङ समिति) र आकाश अधिकारी (चलचित्र तथा मनोरञ्जन फोरम) को अग्रसरतामा यसअघि नै तयार गरिसकेको बताइएको छ । सम्मेलनबाट क्षेत्रगत रूपमा आएका सुुझावहरूलाई समेटी तत्काल कार्यान्वयनमा लैजान सरकारका सम्बन्धित अधिकारीहरूसमक्ष पेस गरिने कार्यक्रम छ । कार्यक्रममा सरकारी अधिकारीहरू, वित्तीय क्षेत्रका पदाधिकारीहरू, महासंघका पदाधिकारीहरू, पूर्वअध्यक्षहरू, कार्यकारिणी समितिका सदस्यहरू, परिषद्का पदाधिकारीहरू, समिति तथा फोरमका सभापतिहरू, समिति फोरमका पदाधिकारी, सदस्य एवं सल्लाहकारहरू, उद्यमी व्यवसायीहरूको सहभागिता रहने महासंघले जनाएको छ ।
क्याटेगोरी : नेपाल
ताजा अपडेट
- प्रहरी विधेयक मन्त्रिपरिषदमा पेस
- रास्वपा सभापति लामिछाने अझै १५ दिन हिरासतमा
- मृत्युपश्चात् मानव अङ्ग दान गर्ने परिवारलाई दुई लाख
- भारतीय स्थल सेनाध्यक्ष उपेन्द्र द्विवेदी स्वदेश फिर्ता
- राष्ट्रिय गौरवका आयोजनाका कामलाई गति दिन प्रधानमन्त्रीको चासो
- कुलमान विरुद्धको पेशी अर्को बर्ष मात्र !
- धरहरा चढ्न शुल्क लाग्ने
- बाल अधिकार रक्षकहरूको राष्ट्रिय भेला काठमाडौंमा सुरु
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया