तनहुँ । श्रम, रोजगार तथा सामाजिक सुरक्षामन्त्री कृष्णकुमार श्रेष्ठले रोजगारदाता र श्रमिकको सम्बन्ध सुमधुर नभए उद्योग व्यवसाय फस्टाउन नसक्ने बताएका छन् । तनहुँ उद्योग वाणिज्य संघको ३६औँ साधारणसभालाई उदघाटन गर्दै उनले श्रमिक र रोजगारदाताबीच आपसी समझदारी र सहकार्य नभए उद्योग क्षेत्र धाराशायी बन्ने बताएका हुन् ।
‘श्रमिक रहे रोजगारदाता रहन्छन्, रोजगारदाता रहे श्रमिकको घरमा चुल्हो बल्छ’, उनले भने, ‘उद्योग फस्टाउन दुवैको उत्तिकै महत्वपूर्ण योगदान आवश्यक छ ।’ रोजगारदाता र श्रमिक एकअर्काका परिपूरक रहेको उनले उल्लेख गरे । मन्त्री श्रेष्ठले श्रमिक र रोजगारदाताको सम्बन्ध सुमधुर बनाउन सरकारका तर्फबाट खेल्न सक्ने भूमिका निर्वाह गर्ने प्रतिबद्धता समेत व्यक्त गरे ।
‘रोजगारदाताका पनि आफ्नै समस्या छन्, बैंकको ऋण तिर्ने समस्या एकातिर हुन्छ, अर्कोतर्फ श्रमिकको पनि आफ्नै समस्या छन्’, उनले भने, ‘दुवैको सम्बन्ध नङ र मासुको जस्तो हुनुपर्छ ।’ कोभिड–१९ ले उद्योगी व्यवसायीलाई आक्रान्त बनाएको उल्लेख गर्दै मन्त्री श्रेष्ठले कोभिडकै कारण लाखौँ श्रमिकले पनि रोजगारी गुमाएको बताए । रोजगारी गुमाएका श्रमिकलाई रोजगारीको व्यवस्थापन गर्नु सरकारको चुनौती रहेको उनको भनाइ थियो । उनले उद्योगी व्यवसायीलाई आवश्यक सीप प्रदान गर्न विभिन्न तालिम सञ्चालन गर्ने विषयमा आफू कटिबद्ध रहेको समेत बताए ।
यस्तै वैदेशिक रोजगारीमा देखिएका समस्या समाधानका लागि सुधारका काम सुरुवात भइसकेको उनको भनाइ थियो । सीपमूलक सीप प्रदान गर्नका लागि सातवटै प्रदेशमा तालिम केन्द्र र प्रदेशबाटै श्रम स्वीकृति लिन मिल्ने व्यवस्था गर्न लागिएको श्रेष्ठले जानकारी दिए । कार्यक्रममा गण्डकी प्रदेशका आन्तरिक मामिलामन्त्री डोबाटे विश्वकर्माले उद्योगी व्यवसायीको सुरक्षाका लागि सरकार गम्भीर रहेको बताए । उनले लगानीको वातावरण सिर्जना गर्नका लागि आवश्यक नीति निर्माण गरिने जानकारी दिए ।
प्रदेशसभा सदस्य सरिता गुरुङ, जिल्ला समन्वय समितिका प्रमुख शान्तिरमण वाग्ले, व्यास नगरपालिकाका प्रमुख बैकुण्ठ न्यौपानेलगायतले उद्योग व्यवसाय फस्टाउन आवश्यक नीति निर्माणमा सहयोग गर्ने बताएका थिए । सङ्घका अध्यक्ष पवीन्द्रकुमार श्रेष्ठले युवालाई स्वरोजगार र महिलालाई उद्यमशील बनाउने खालका कार्यक्रम ल्याउन मन्त्री श्रेष्ठमार्फत सरकारको ध्यानाकर्षण गराएका थिए ।
क्याटेगोरी : कर्पोरेट-वाणिज्य-उद्योग
ताजा अपडेट
- आठ वर्षपछि फेरि किन बढ्यो ‘लोडशेडिङ’ हुने डर ?
- युक्रेनलाई रुसी भूमिमा अमेरिकी क्षेप्यास्त्र प्रहार गर्ने अनुमति, रुसमा चर्को आक्रोश
- डेडिकेटेड ट्रंक लाइन बिबादमा टिओडी मिटर गणना गर्न विज्ञ समिति गठन
- मुख्यमन्त्री सिंहद्वारा भारतीय पक्षलाई विवाहपञ्चमीको निम्तोपत्र हस्तान्तरण
- जलवायु परिवर्तन न्यूनीकरणमा साझेदार गर्न नेपालको बङ्गादेशलाई आग्रह
- बेनी नगरपालिकामा तीन सय योजना कार्यान्वयनमा
- छुट्टाछुट्टै घटनामा दुईजनाको मृत्यु
- पशुपति आर्यघाटमा पूर्वसभामुख ढुंगानाको अन्त्येष्टि
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया