अनलाइन सपिङ्गको नाममा दराजको ठगी धन्दा
कृष्णप्रसाद लामिछाने २०७८, माघ १४ ०८:४६ 
काठमाडौँ । अनलाइन सपिङमा छुट्टै पहिचान बनाउन सफल भएको इ–कमर्स कम्पनी दराजले पछिल्लो समय ग्राहकहरुसँग व्यापारभन्दा पनि ठगी धन्दा गर्न थालेको छ । दराजले देशभरका विभिन्न ४७ भन्दा बढी ठाउँबाट ग्राहकहरुले अनलाइनबाट खरिद गरेका वस्तुहरु ग्राहककै घरसम्म पु¥याउने कार्य गर्दै आएको छ ।
आफ्ना ग्राहकहरुलाई ठगी गर्न थालेको समाचार आउनथालेपछि यसबारेमा बुझ्न आर्थिक दैनिकका प्रतिनिधिले दराजको तर्फबाट मिडिया हेरिरहेकी सलिना नकर्मीलाई पटक–पटक सम्पर्क गर्दा समेत उनले फोन उठाइनन् ।
त्यसो त पछिल्लो समय नेपालमा यस्तो प्रवृत्ति पनि बढ्दै गएको पाइएको छ– कुनै एक उद्देश्यले संस्था खोल्ने चलाउने र केही समयपछि ठगी धन्दा नै गर्ने, ठगी धन्दाको विषयमा समाचारहरु आउनथालेपछि मिडियाको फोन नै नउठाउने । यस्तो प्रवृत्तिले नेपालीहरु अनलाइन व्यापार गर्नेहरुसँग रुष्ट हुँदै गएका छन् ।
भनेको समयमा सामान नल्याउने, अर्डर गरेभन्दा फरक सामान ल्याउने र फिर्ता ग¥यो भने विभिन्न विषयमा पैसा काट्ने लगायतका धन्दा नै चलेको छ र त्यसैको पछिल्लो एक उदाहरण हो अनलाइन सपिङ सेन्टर दराज । दराजले विभिन्न समयमा विभिन्न अफरको नाममा ग्राहकहरु ठगी गर्ने धन्दा नै चलाइरहेको छ ।
नेपालमा अनलाइन व्यापारको लागि यथेष्ट नीति नियम र नियमन समेत नभएको मौका छोपी दराजले ठगी धन्दा चलाएको हो । यसले राजस्वमा समेत ठगी गर्दै आएको छ । आफूले गुणस्तरीय र देशको नियमसँग कुनै पनि सम्झौता नगर्ने भन्दै नेपालमा व्यापार सुरु गरेको दराजले सुरुका दिनमा ग्राहकहरु आकर्षण गर्न निकै तामझाम गर्ने गरेको थियो भने सोहीअनुसारको गुणस्तरीय सामानहरु समेत दिँदै आएको थियो ।
तर व्यापार बढ्दै जाँदा जसरी जनता लुट्ने, पैसा नै कमाउने भनेर योजना बनाएको थियो, त्योअनुसार नभएपछि पछिल्लो समय यसले आकर्षक फोटोहरु राखेर सामान बिक्रीमा राख्ने र ग्राहकले अर्डर गरेपछि गुणस्तरहीन सामान लगिदिने र ग्राहकहरुले यस्तो होइन भनेर फिर्ता गर्दा विभिन्न बहानामा पैसा काट्ने गर्न थालेको छ ।
एक ग्राहकका अनुसार दराजले अहिले ‘सुन देखाएर पित्तल’ बिक्री गर्दै आएको छ जसको कारबाही तथा अनुगमन कतैबाट हुनसकेको छैन । एक ग्राहकले अर्डर गरेको सामानभन्दा निकै फरक सामान आएपछि फिर्ता गर्दा कुपनमार्फत गरेको र सो कुपनको मिति तीन दिन मात्र हुने र सो समयमा सामान पुनः खरिद नगरे पैसा फिर्ता नहुने भनेर जबर्जस्ती खरिद गर्न लगाउने गरेको बताए ।
यो त एक प्रतिनिधि घटना मात्र हो । दराजले नै सञ्चालन गर्दै आएको उसैको फेसबुक पेज तथा एपमा हेर्ने हो भने यस्ता गुनासाहरु सयौंको संख्यामा पाइन्छ । कतिपय ग्राहकहरुले दराजको एपमा नै सुन देखाएर पित्तल बिक्री गर्ने दराजबाट भन्दा आफैँ बजार गएर खोजेको जस्तो रोजेजस्तो सामान ल्याउनुपर्ने धारणा समेत राखेका छन् । जनताले भनेझैँ सामान दिने भनेर सञ्चालनमा आएको दराजको यस्तो मनोमानीमा समेत सरोकारवाला निकाय मौन रहनुले थप रहस्यमय बनाएको छ ।
दराजले आफ्नो केही गुनासो तथा उजुरी आउँदा समेत केही नगर्ने अथवा त्यस उजुरीलाई वर्षौँसम्म झुलाएर जनतालाई नै दुःख दिने र उजुरीको सुनुवाइ नै नगर्ने गरी सरकारी निकायहरुमा मिलाएको छ । यही कारण केही मिडियालाई समेत प्रभावमा पार्न र आफ्नो अनुकूल बनाउन दराजले त्यस्ता मिडियाहरुलाई सहयोग गर्ने र अरु मिडियाहरुले आफ्नो ठगी धन्दाको समाचारहरु लेखे पनि सबै आफ्नो सेटिङअनुसार मात्र हुने हुँदा आफूलाई कारबाही नहुने भन्दै ठगी धन्दा जारी राखेको छ ।
क्याटेगोरी : समाचार
ताजा अपडेट
- अपराध र ठगी गर्नेलाई सरकारले छाड्दैन : प्रधानमन्त्री
- सरकारलाई असफल हुने छुट छैन: मन्त्री अधिकारी
- विकास, समृद्धि र सुशासनको सङ्कल्प पूरा गर्ने बाटोमा अघि बढेका छौँ: प्रधानमन्त्री
- कुलमानले गरेको अनियमितता छानवीन गर्न न्यायिक समिति गठन !
- विभाजनको शृङ्खला रोकेर एकताको प्रक्रिया सुरु भएको छ: अध्यक्ष दाहाल
- कर्णाली प्रदेश सरकारले जनताले महसुस हुनेगरी काम गरिरहेको छ: मुख्यमन्त्री कँडेल
- केही व्यक्तिको कमजोरीले गर्दा सिङ्गो सहकारी क्षेत्र बदनाम : मुख्यमन्त्री पाण्डे
- जलेश्वर प्रादेशिक अस्पतालका उपकरण प्रयोगविहीन
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया