एमडीजीपी डाक्टर पुगेपछि जिरी अस्पतालमा शल्यक्रिया सुरु
सुबास बस्नेत २०७८, फागुन २ ११:०३ 
दोलखा । दोलखाको जिल्ला अस्पताल जिरीमा दुई वर्षदेखि एमडीजीपी डाक्टर नहुँदा बन्द रहेको शल्यक्रिया सेवा फेरि सुरु भएको छ । एमडीजीपीसहित आवश्यक जनशक्ति जुटाएर अस्पतालका एमडीजीपी डाक्टर देबेन्द्र गौतमले रोकिएको शल्यक्रिया सेवा सुरु गरेको बताए ।
स्वास्थ्य जनशक्ति अभावले बन्द रहेकोे शल्यक्रिया सेवा आइतबारदेखि सञ्चालनमा आएको हो । बन्द रहेकोे सो सेवा एक स्वास्थ्य समूह बनाएर सुरु गरेको अस्पतालका एमडीजीपी प्रमुख डाक्टर गौतमले जानकारी दिए । दुई साताअघि अस्पताल प्रमुख बनेर जिरी आएका डाक्टर गौतमले आफ्नो नेतृत्वमा पाँच जनाको स्वास्थ्य समुह बनाएका छन् । उक्त समूहले रामेछापबाट सुत्केरीको लागि आएकी एक गर्भवती महिलाको सफल शल्यक्रिया गरेर सेवा सुचारु गरेको हो ।
रामेछापको गोकुलगंगा गाउँपालिका ३ की निरमाया तामाङको शल्यक्रियामार्फत प्रसूति गराइएको डा. गौतमले बताए । गौतमसहित पाँच जनाको स्वास्थ्य टोलीले तामाङको सफलतापूर्वक शल्यक्रिया गरेका हुन् । तामाङले छोरी जन्माएकी छिन् । लामो समयदेखि बन्द रहेकोे शल्यक्रिया सुचारु भएकाले अब जिरी आसपासका पुरुष तथा महिलाले महँगो शुल्क तथा यातायात खर्च गरेर चरिकोटसम्म जानुपर्ने बाध्यता हटेको डा. गौतमले बताए । त्यस्तै अस्पतालका सेवालाई थप व्यवस्थित गर्दै अझ प्रभावकारी बनाउने उनको भनाइ छ । करिब एक महिनाअघि भीमेश्वर नगरपालिकाले चरीकोट अस्पतालमा कार्यरत गौतमलाई स्वास्थ्य मन्त्रालयमा फिर्ता पठाएको थियो । पछि प्रदेश सरकारले गौतमलाई जिल्ला अस्पताल जिरीको प्रमुख बनाएर पठाएको हो ।
क्याटेगोरी : नेपाल
ताजा अपडेट
- बैंकहरूको निक्षेप खाता पाँच करोड ६९ लाख
- बैंकिङ प्रणालीमा साढे ६८ करोड निक्षेप राख्दै राष्ट्र बैंक
- केपी र रवि आमने–सामने
- कालीगण्डकी करिडोरले मुक्तिनाथ र लुम्बिनी जोड्दै
- देशका अधिकांश भागमा पश्चिमी वायुको प्रभाव यथावत
- आजको लागि विदेशी मुद्राको विनिमय दर
- अरुण नदीमा पूजा गर्ने क्रममा एक जना बेपत्ता
- चार महिनामा साढे चार खर्ब व्यापार घाटा
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया