काठमाडौं । युरेनियम पदार्थसहित आठ जना व्यक्तिहरू पक्राउ परेका छन् । महानगरीय प्रहरी परिसर काठमाडौँका अनुसार यही फागुन दुई गते अन्दाजी १७ः३० बजे काठमाडौँ जिल्लाको बौद्ध इलाकामा केही व्यक्तिहरूले विभिन्न समूह बनाई युरेनियमको संकलन तथा भण्डारण गरी उच्च मूल्यमा बिक्रीवितरण गर्दै छन् भन्ने सूचना प्रहरी प्रधान कार्यालयमा आएको थियो ।
सोअनुरूप प्रहरी प्रधान कार्यालय, नक्सालबाट सादा पोशाकमा परिचालित प्रहरीको विशेष सूचनाको आधारमा महानगरीय प्रहरी वृत्त बौद्धबाट खटिएको प्रहरी टोलीबाट काठमाडौँ महानगरपालिका वडा नं. ६ बौद्ध स्थित ह्यायत रिजेन्सी होटल काठमाडौँको कार पार्किङ गर्ने स्थानमा पार्किङ गरी राखेको अवस्थाको बा ५ च ८२०९ नं. को कारभित्रबाट दुई किलोग्राम र आठ सय ग्राम तौल भएको युरोनियम भनिएको पदार्थसहित भुपेन्द्र बहादुर खड्का र नवराज महतलाई फेला पारी सोधपुछ गर्ने क्रममा उक्त युरोनियमजस्तो देखिने पदार्थलाई निजहरूले भारतबाट ल्याई प्रतिकेजी ३५ करोड रूपैयाँमा बिक्री गर्न लाागेको र उक्त कार्यमा अन्य आठ जना व्यक्तिहरूको समेतको सहभागिता रहेको जानकारी दिएपछि प्रहरीले सोही स्थानबाट अन्य आठ जनालाई पनि पक्राउ गरेको हो ।
परिसरका अनुसार पक्राउ पर्नेहरूमा सिन्धुपाल्चोक, मेलम्ची नगरपालिका वडा नं.१ घर भई हाल काठमाडौँको बूढानीलकण्ठ नगरपालिका वडा नं. १० कपन बस्ने ३४ वर्षीय भुपेन्द्र खड्का, सिन्धुपाल्चोकको हेलम्बु गाउँपालिका वडा नं. ४ घर भई हाल काठमाडौँ महानगरपालिका वडा नं.६ महाँकाल बस्ने ४० वर्षीय रामकृष्ण लामिछाने, ललितपुर महानगरपालिका वडा नं.१४ घर भई सोही स्थान बस्ने ६० वर्षीय नवराज महत, सिराहा लक्ष्मीपुर पतारी गाउँपालिका वडा नं. ३ घर भई हाल काठमाडौँको ठमेल बस्ने ४० वर्षीय गोपिलाल दास, सिराहा वरियापारपट्टी गाउँपालिका वडा नं. १ घर भई हाल काठमाडौँको ठमेल बस्ने ५५ वर्षीय जिवछ नारायण यादव, महोत्तरी घर भई हाल काठमाडौँको गोकर्णेश्वर नगरपालिका वडा नं. ७ शिवचोक बस्ने वर्ष ३८ वर्षीय सुरेन्द्र प्रसाद चौधरी, भारतको बिहार प्रदेश गया जिल्ला चनादहोता घर भएका वर्ष ६३ वर्षीय उपेन्द्र कुमार मिश्र र भारतको महोत्तरी जिल्ला एकाडारा ६ बगैया कलुवा घर भएका ४४ वर्षीय राजु ठाकुर रहेका छन् ।
प्रहरीका अनुसार उनीहरूको साथबाट बा ५ च ८२०९ नं. को प्राइभेट कार, २ केजी आठ सय ग्राम तौल भएको युरेनियम भनिएको पदार्थसहितको झोला थान–१, बा २६ प. १६२८ नं. को होन्डा कम्पनीको मोटर साइकल थान–१, भुपेन्द्र खड्काको नाममा जारी भएको एकेडेमी अफ वीर गोर्खाज सेक्युरिटीको परिचय–पत्र थान–१ र विभिन्न कम्पनीको मोबाइल सेटहरू थान– ९ बरामद भएका छन् ।
घटनाको सम्बन्धमा पक्राउ परेका व्यक्तिहरूउपर सम्मानित काठमाडौँ जिल्ला अदालत काठमाडौँबाट ‘रेडियोधर्मी पदार्थ (उपयोग तथा नियमन) ऐन, २०७७ अन्र्तगत मुद्दामा दिन सात दिनको म्याद थप अनुमति लिई प्रहरी वृत्त बौद्धबाट थप अनुसन्धान भई प्रहरीले जनाएको छ ।
क्याटेगोरी : नेपाल
ताजा अपडेट
- एक सय ११ मुलुकसँग व्यापार घाटा
- बैंकहरूको निक्षेप खाता पाँच करोड ६९ लाख
- बैंकिङ प्रणालीमा साढे ६८ करोड निक्षेप राख्दै राष्ट्र बैंक
- केपी र रवि आमने–सामने
- कालीगण्डकी करिडोरले मुक्तिनाथ र लुम्बिनी जोड्दै
- देशका अधिकांश भागमा पश्चिमी वायुको प्रभाव यथावत
- आजको लागि विदेशी मुद्राको विनिमय दर
- अरुण नदीमा पूजा गर्ने क्रममा एक जना बेपत्ता
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया