काठमाडौं । नाडा अटोमोबाइल्स एसोसिएसन अफ नेपालले एलसी मार्जिनमा पुरानै व्यवस्था कायम गर्न राष्ट्र बैंकसँग माग गरेको छ । नाडाका अध्यक्ष ध्रुव थापाले बिहीबार एक विज्ञप्ति जारी गरी एलसी मार्जिन पुरानै व्यवस्थाअनुसारका कायम गर्न नभए मार्जिनमा ब्याज दिन माग गरेका हुन् ।
हालै नेपाल राष्ट्र बैंकले जारी गरेको निर्देशिकामा सवारीसाधनलगायत अटोमोबाइल स्पेयर पाट्र्सहरूको आयातका लागि एलसी खोल्दा न्यूनतम मार्जिनको सीमा पाँच प्रतिशतबाट वृद्धि गरेर ५० देखि एक सय प्रतिशतसम्म कायम गरिएको छ । नाडाले न्यूनतम मार्जिनको व्यवस्था पुरानोअनुसार नै कायम गर्न आग्रह गरेको छ । यदि उक्त व्यवस्था तत्काल परिमार्जन गर्न सम्भव नभएमा व्यवसायीहरूले एलसी मार्जिनका लागि राखेको उक्त धरौटी रकममा बैंंक तथा वित्तीय संस्थाहरूले ब्याज प्रदान गर्ने व्यवस्था गर्नुपर्ने नाडाको माग छ । न्यूनतम मार्जिनको सीमा वृद्धिको व्यवस्थाले सवारीसाधनलगायत स्पेयर पाट्र्सहरूको सहज आपूर्ति व्यवस्थामा समस्या हुनुका साथै त्यसले सवारीसाधन तथा स्पेयर पाट्र्सहरूको मूल्य समेत बढ्न गई उपभोक्ताहरूलाई समेत असर पर्ने नाडाको भनाइ छ ।
साथै नाडाले कर्जाको ब्याज घटाउन पनि राष्ट्र बैंंकलाई आग्रह गरेको छ । हालै नेपालका बैंक तथा वित्तिय निकायहरूले निक्षेपको ब्याजदर बढाउने निर्णय गरेको छन् । निक्षेपको ब्याजदर बढेसँगै बैंंक तथा वित्तीय निकायहरूले स्वाभाविकरूपमा कर्जाको ब्याजदर पनि बढाउने भएकोले यसमा पुनर्विचारका लागि राष्ट्र बैंंकसँग अनुरोध गरिएको नाडाले जनाएको छ ।
नाडाका अनुसार वित्तीय निकायहरूले ब्याजदर बढाउँदा कोरोना महामारीबाट भर्खर पुनरुत्थानतर्फ बढ्दै गरेको औद्योगिक तथा व्यावसायिक क्षेत्रलाई ठूलो मार पर्नेछ । उद्योग व्यवसायलाई पूर्णरूपमा सञ्चालनमा ल्याउन सरकारबाट सहयोगको अपेक्षा भइरहेको वर्तमान समयमा यस्तो नीतिले थप समस्या मात्र ल्याउने नभई वर्तमान तरलता समस्याको समाधान पनि नहुने निश्चित रहेको नाडाले जनाएको छ । यसले नेपालको अर्थतन्त्रलाई नै थप जोखिममा पार्ने देखिएकोले कर्जाको ब्याजदर बढाउने नीतिमा पुनर्विचारका लागि नेपाल राष्ट्र बैंकसँग नाडाले आग्रह गरेको छ ।
क्याटेगोरी : कर्पोरेट-वाणिज्य-उद्योग
ताजा अपडेट
- आठ वर्षपछि फेरि किन बढ्यो ‘लोडशेडिङ’ हुने डर ?
- युक्रेनलाई रुसी भूमिमा अमेरिकी क्षेप्यास्त्र प्रहार गर्ने अनुमति, रुसमा चर्को आक्रोश
- डेडिकेटेड ट्रंक लाइन बिबादमा टिओडी मिटर गणना गर्न विज्ञ समिति गठन
- मुख्यमन्त्री सिंहद्वारा भारतीय पक्षलाई विवाहपञ्चमीको निम्तोपत्र हस्तान्तरण
- जलवायु परिवर्तन न्यूनीकरणमा साझेदार गर्न नेपालको बङ्गादेशलाई आग्रह
- बेनी नगरपालिकामा तीन सय योजना कार्यान्वयनमा
- छुट्टाछुट्टै घटनामा दुईजनाको मृत्यु
- पशुपति आर्यघाटमा पूर्वसभामुख ढुंगानाको अन्त्येष्टि
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया