धन बहादुर जप्रेल
महेन्द्रनगर, माघ २६
संघीय सरकारका संस्कृति, पर्यटन तथा नागरिक उड्डयनमन्त्री योगेश भट्टराईले दुई दशकदेखि बन्द रहेको कञ्चनपुरको मझगाउँ विमानस्थललाई पुनः सञ्चालनमा ल्याइने बताएका छन् । उनले विमानस्थल सञ्चालनमा ल्याउन सरकारले तयारी समेत थालेको हुँदा चाँडै सञ्चालनमा आउने बताए ।
भीमदत्त नगरपालिकाले शनिबार आयोजना गरेको ‘विमानस्थल सम्बन्धमा छलफल’ कार्यक्रममा बोल्दै मन्त्री भट्टराईले विमानस्थल पुनः सञ्चालनका लागी केही पूर्वतयारी गर्नुपर्ने र प्राविधिक दृष्टिकोणबाट अन्तर्राष्ट्रिय मापदण्ड समेत समावेश गर्नुपर्ने हुँदा केही समय लाग्ने बताए । ‘सरकारले विगतमा सञ्चालन भएका विमानस्थल जो हाल बन्द रहेका छन्, ती विमानस्थल पुनः सञ्चालन गर्ने नीति लिएको छ, सोही नीतिअन्तर्गत मझगाउँ विमानस्थल पुनः सञ्चालनमा आउने छ’, उनले भने, ‘त्यसका लागि केही पूर्वतयारी गर्नुपर्छ, प्रावधिक दृष्टिबाट अन्तर्राष्ट्रिय मापदण्ड समेत समावेश गर्नुपर्छ ।’ उनले सबै मापदण्ड पूरा गर्दा केही समय लाग्न सक्ने बताए । विमानस्थलका लागि अपुग जमिन अधिग्रहण गर्ने तयारीमा सरकार रहेको उनले बताए ।
विमानस्थल सञ्चालन संघीय सरकार अन्तर्गत रहेको बताउँदै मन्त्री भट्टराईले यसमा तीनै तहका सरकारको सहभागिता हुनुपर्ने नीति सरकारले लिएको बताए । ‘विमानस्थल पुनः सञ्चालनका लागि यहाँका जनप्रतिनिधि, संघर्ष समिति तथा राजनीतिक दहरुले ठूलो उत्सुक्ता देखाएका छन्, विमानस्थल निर्माण तथा सञ्चालनमा तीनै तहको सहभागिता गराउने नीति अन्तर्गत यहाँ स्थानीय तहले केही बजेट पनि बिनियोजन गरेका छन्’, उनले भने, ‘यसरी तीनै तहका सरकारको साझेदारीमा सञ्चालन गर्दा त्यसको व्यावसायिक फाइदा बाँडफाँट गर्न सक्छौँ ।’ उनले विमानस्थल सञ्चालनका लागि तीन तहको सक्रियता बढेको बताउँदै आगामी आर्थिक वर्षबाट विमानस्थल धावन मार्ग निर्माण गरी सञ्चालन कार्य अगाडि बढाइने समेत बताए ।
मन्त्री भट्टराईले विमानस्थल आत्मनिर्भर हुनुपर्ने नीति सरकारले अगाडि सारेको बताए । ‘विमानस्थल बनाइ सकेपछि त्यहाँ पर्याप्त मात्रामा उडान हुनुपर्छ, व्यावसायिक कामहरु हुनुपर्छ, आत्मनिर्भर हुनुपर्छ । जसले गर्दा कर्मचारीहरुलाई केन्द्रीय बजेटबाट दिनुपर्दैन, यहीको बजेटले पुग्छ’, उनले भने, ‘सरकारले यसमा ठूलो लगानी गरेको छ, त्यसैले आत्मनिरभर हुनु जरुरी छ ।’ सविधानः विमानस्थल सञ्चालन गर्ने केन्द्र सरकारको जिम्मेवारी भए पनि तीनै तहको साझेदारीमा विमानस्थल सञ्चालन गरिने उनको भनाई छ ।
विमानस्थलको प्राविधिक तहबाट अध्ययन भईसकेकाले अब भौतिक र आन्तरिक तयारीमा जोड दिईने उनको बताए । साथै स्थानीय जनप्रतिनिधिको विमानस्थल सञ्चालनमा निकै चाँसो देखाएकामा उनले प्रशंसा समेत गरे । विमानस्थल सञ्चालनपछि यहाँको व्यापार र व्यवसायिक गतिविधि समेत बढ्ने उनको विश्वास छ । विमानस्थल पुनः सञ्चालनमा नआएमा यहाँ निर्माण हुने भनिएको सुख्खा बन्दरगाह, निर्माणाधीन चार लेनको पुल लगायत योजनाको कुनै औचित्य नरहने उनको धारणा छ । असुरक्षाको कारण देखाउँदै सशस्त्र द्धन्द्धकालमा मझगाउँ विमानस्थल बन्द गरिएको थियो । त्यसयता विमानस्थल सञ्चालनमा आउन सकेको छैन ।
२०३० सालदेशि सञ्चालनमा आएको मझगाउँ विमानस्थल २०५१ सालदेखि बन्द अवस्थामा छ । उनले नेपाल भ्रमण वर्षलाई सफल बनाउन सरकारी र निजी क्षेत्रको सहयोग भूमिकाको अपेक्षा गदैँ पर्यटनमन्त्री भट्टराईले पर्यटकीय क्षेत्रका बारेमा जानकारी दिन विभिन्न स्थानमा डिजिटल सुचना बोर्ड र पर्यटक सुचना केन्द्र स्थापना गर्न स्थानीय तहलाई निर्देशन समेत दिए ।
क्याटेगोरी : कर्पोरेट-वाणिज्य-उद्योग
ताजा अपडेट
- सर्वसाधारणका लागि खुला गरिएपछि धरहरा चढ्नेको भीड
- प्राधिकरणको उदीपुर सबस्टेसन निर्माण सम्पन्न
- मेटा र स्पोटिफाईद्वारा युरोपेली सङ्घको एआई सम्बन्धी अस्पष्ट निर्णयको आलोचना
- प्रजातन्त्रका ‘श्रीगणेश’ अर्थात् लौहपुरुष गणेशमान
- नुवाकोटमा आधुनिक बन्दी गृह
- विकास निर्माणका लक्ष्य किन सधैँ अधुरा
- संविधान संशोधनबाट राजनीतिक अस्थिरताको सम्बोधन गर्न सकिन्छ : प्रधानमन्त्री
- संविधानले विभेद र उत्पीडन अन्त्य गरी एकताको सूत्रमा आबद्ध गरेको छ: राष्ट्रपति पौडेल
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया