काठमाडौं । युवा तथा साना व्यवसायी स्वरोजगार कोष सचिवालयका कार्यकारी उपाध्यक्ष डा. कल्याण रोकाले आर्थिक अभावका कारणले कोही पनि बेरोजगार बस्नु नपर्ने बताएका छन् । कोषको १३औँ वार्षिकोत्सव कार्यक्रममा पैसाको अभाव भएर बेरोजगार भए कोषमा आउन युवाहरूलाई आग्रह समेत गरे ।
‘पैसा अभावमा कोही मान्छे बेरोजगार भए हामीकहाँ आउनुहोस् । हामी एक हजारले स्वरोगजार बनाउँछौँ’, उनले भने, ‘हामी लाख खर्च गरेर ३० हजार कमाउन लालयित हुन्छौँ, अब लाख खर्च गरेर ३० हजार कमाउन लालयित बन्ने होइन । हामी त्यस्ता विदेश जानेलाई यही नै स्वरोजगार बनाउँछौँ ।’ साथै उनले पैसाका कारणले मात्र उद्यमी, स्वरोजगार बन्ने नभई सोच परिवर्तन गर्नुपर्नेमा जोड दिए । स्थानीय स्रोत साधनलाई समुचित प्रयोग गरेर स्थानीय तहमा नै युवाहरूलाई स्वरोजगार बनाउनुपर्ने उनको भनाइ थियो । यस्तै उनले प्रमाणपत्र धितो राखेर स्वरोजगार बनाउन सरकारले आग्रह गरे विद्यार्थीलाई कर्जा उपलब्ध गराउन तयार रहेको समेत बताए । निर्यातमुखी अर्थतन्त्रलाई जोड नदिएर आयातमुखी अर्थतन्त्रलाई जोड दिनुपर्ने उनको भनाइ थियो ।
कोषका कार्यकारी निर्देशक विश्वमोहन अधिकारीले कोषले अहिलेसम्म ८३ हजार चार सय नौ युवालाई स्वरोजगार बनाएको जानकारी दिए । उनले कोषले पुँजी अभावमा आफ्नो सीप, ज्ञान र प्रतिभा उपयोग गर्न नपाएका बेरोजगार १८ वर्षदेखि ६० वर्ष उमेरसमूहका युवा तथा साना व्यवसायीलाई विनाधितो सुलभ कर्जा उपलब्ध गराउँदै आएको बताए । उनका अनुसार कोषले विनाधितो दुई लाख रूपैयाँदेखि सामूहिकमा ३० लाख रूपैयाँसम्म कर्जा उपलब्ध गराउँदै आएको छ । कोषले हालसम्म ११ अर्ब नौ करोड ४८ लाख ३५ हजार रूपैयाँ लगानी गरिसकेको छ । यस्तै तीन अर्ब ८२ करोड दुई लाख ८३ हजार दुई सय ६६ रूपैयाँ विपन्न वर्गमा कर्जा प्रवाह गरेको छ । यस्तै कोषले एक हजार नौ सय ६८ सहकारी संस्था, २६ बैंक तथा वित्तीय संस्थासँग सहकार्य गर्दै बेरोजगार युवा तथा व्यवसायीलाई कर्जा प्रवाह गरेको छ । यस्तै १५ करोड ३३ हजार पाँच हजार ४९ रूपैयाँ ब्याज अनुदान उपलब्ध गराएको कोषले जनाएको छ ।
कोषका अनुसार ६१ हजार एक सय ३२ जनालाई स्वरोजगार बीमा गरेको, एक हजार ६१ जनालाई बीमा क्षतिपूर्ति गराइएको छ । यस्तै छ करोड २४ लाख ४८ हजार पाँच सय ४५ रूपैयाँ बीमा क्षतिपूर्ति उपलब्ध गराएको छ । कार्यकारी निर्देशक अधिकारीले बेरोजगार युवालाई स्वरोजगार सिर्जना गर्ने काममा निरन्तर लागिरहेका बताए । उनले स्थानीय तहमा रहेका स्रोतसाधन प्रयोग गरेर स्वरोजगारमुखी बनाइने समेत उल्लेख गरे । विसं २०६५ मा स्थापना भएको कोषमा अहिले नियमित स्वरोजगार कार्यक्रम, सहकार्यमा आधारित साझेदारी कार्यक्रम, कोशी इकोनोमिक करिडोर कार्यक्रम, भेरी–कर्णाली इकोनोमिक करिडोर, काठमाडौँ उपत्यका स्वरोजगार र तराई–मधेश स्वरोजगार कार्यक्रम सञ्चालन भइरहेका छन् ।
क्याटेगोरी : बिबिध
ताजा अपडेट
- चीन भ्रमणमा ऋणसम्बन्धी सम्झौता नहुने: प्रधानमन्त्री
- टेक्ससको ड्यालसमा एक सय दश जनाद्वारा रक्तदान
- १५ दशमलव ८३ बिन्दुले उक्लियो शेयर बजार
- विमान चालकको समस्या छिट्टै समाधान हुन्छ: वायुसेवा निगम
- ‘स्मार्ट सिटी हुनका लागि हिंसारहित समाज हुनु अनिवार्य छ’
- आज साँझ ५ बजे मन्त्रिपरिषद् बैठक बस्ने
- काठमाडौँमा बुधबारदेखि जनसङ्ख्या र विकाससम्बन्धी छैटौँ अन्तर्राष्ट्रिय सम्मेलन
- छोराद्वारा बुबाको हत्या
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया