काठमाडौं । भारतमा सबैभन्दा ब्यापक रुपमा बजार विस्तार गरिरहेको किड्जीले नेपालमा पनि बजार विस्तारलाई तीव्रता दिने भएको छ । किड्जीले प्रि–स्कुल (प्रारम्भिक बाल्यकाल हेरचाह र शिक्षा) चेनलाई नेपाल र भारतमा एकैसाथ विस्तार गर्नलागेको हो ।
सात सय ५० भन्दा बढी भारतीय सहर र नेपालका चार सहरहरू कम्पनीले सेवा विस्तार गरिसकेको जनाएको छ । बाल विकासको नेतृत्व गर्न र प्रत्येक बालबालिकामा रहेको अद्वितीय क्षमताको पोषणमा केन्द्रित रहेर सेवा विस्तार गरेको कम्पनीको दाबी छ । प्रत्येक बच्चाको विशिष्टता र तिनीहरूको असीम क्षमतालाई स्वीकार गरेको कम्पनीसँग भारतको एक मात्र विश्वविद्यालय–प्रमाणित पूर्वस्कूल पाठ्यक्रमको स्वामित्व रहेको बताइएको छ ।
कम्पनीले नेपालमा दुई नयाँ सेवाहरु लर्न विथ केड्नी र लर्निङ फेरिस सञ्चालन गर्ने जानकारी दिएको छ । लर्न विथ केड्नी घरमै बसेर आफ्नो बच्चाहरुलाई सिकाउन चाहने आमाबुबाहरुको लागि बनाइएको किट हो । यसमा छवटा बाकसहरूको सेट छ । एक वर्ष छ महिनादेखि दुई वर्ष छ महिनासम्मका बालबालिकाहरूका लागि तीनवटा बक्सहरू र दुई वर्ष छ महिनादेखि चार वर्षसम्मका बालबालिकाहरूका लागि तीनवटा बक्सहरू हुने कम्पनीले जनाएको छ । सबै बाकसहरूमा प्रारम्भिक बाल हेरचाह विशेषज्ञहरूद्वारा प्रगतिशील रूपमा योजना गरिएका गतिविधिहरू छन् । सबै बाकसहरू साक्षरता, संख्यात्मकता, अवधारणा, रचनात्मक सीपहरू, कौशल सोचमा केन्द्रित छन् ।
कार्यक्रममा आमाबाबुका लागि निर्देशनात्मक भिडियोहरू र बच्चाहरूको लागि राइम भिडियोहरू पनि समावेश छन् । यस्तै लर्निङ फेरिस अनलाइन भिडियो–आधारित कार्यक्रम हो, जसले बालबालिका लाई घरमा नै आरामले बसी–बसी सिक्न मद्दत गर्छ । मनमोहक र आकर्षक भिडियोहरूको सेटले मूल पाठ्यक्रमका साथै सह–पाठ्यक्रमका विषयहरूलाई समेट्छ ।
कम्पनीले सन् २०१५ बाट नेपालमा आफ्नो सञ्चालन सुरु गरेको थियो । काठमाडौं, विराटनगर, चितवन र धरानमा नौवटा प्रिस्कूलको नेटवर्कसँग राम्रोसँग काम गरिरहेकोले अब नेपालभर विस्तारको दोस्रो चरणमा प्रवेश गर्ने योजना बनाएको कम्पनीले जनाएको छ । हाल काठमाडौंको मैतीदेवी, कलंकी, बौद्ध, बानेश्वर, सानेपा, सातदोबाटो र काठमाडौंबाहिर विराटनगर, धरान र चितवनमा कम्पनीले सेवा दिँदै आएको छ ।
क्याटेगोरी : कर्पोरेट-वाणिज्य-उद्योग
ताजा अपडेट
- तीन हजार बढी विद्यार्थीलाई विद्युतीय चुलो वितरण
- सिकलसेल उपचारका लागि राप्ती स्वास्थ्य विज्ञान प्रतिष्ठानमा बेग्लै वार्ड
- सामाजिक भ्रष्टीकरण
- बढ्यो खोल्से सुनको भाउ !
- ओलीको चीन भ्रमणमा प्रचण्डको ‘चाइना कार्ड’
- चीन र नेपालको सम्बन्ध जनस्तरमा विस्तार आवश्यक: वरिष्ठ उपाध्यक्ष पोखरेल
- पूर्वप्रधानमन्त्री खनालद्वारा पूर्वसभामुख ढुङ्गानाको निधनप्रति दुःख प्रकट
- राजकीय सम्मानका साथ पूर्वसभामुख ढुङ्गानाको अन्त्येष्टि गर्ने सरकारको निर्णय
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया