कञ्चनपुर । प्राविधिक शिक्षा तथा व्यावसायिक तालिम परिषद् (सीटीईभीटी)द्वारा सञ्चालित शुक्लाफाँटा बहुप्राविधिक शिक्षालयको भौतिक पूर्वाधार निर्माणकार्य अगाडि बढाइएको छ । सो कार्यका लागि शुक्लाफाँटा नगरपालिका–११ मा ६३ हजार ३६० वर्गमिटर नौ बिघा सात कट्ठा दुई धुर)को सरकारी जमिन २० वर्षका लागि लिजमा लिन सम्झौता गरिएको छ । पूर्वाधार निर्माणका लागि विस्तृत परियोजना प्रतिवेदन (डीपीआर) निर्माण गरिएको छ ।
बहुवर्षीय योजनाअन्तर्गत २० करोडको लागतमा भौतिक संरचना निर्माण गरिने शिक्षालयका प्रमुख दीपक विष्टले बताए । प्रतिवेदनअनुसार शिक्षालयको मुख्य प्रवेशद्वार, गार्ड हाउस, पार्किङस्थल, मुख्य प्रशासकीय भवन, अध्ययन कक्ष १ र २ एसेम्बली ग्राउन्ड, प्रयोगशाला, पुस्तकालय, क्यान्टिन, खुला खेलकुद मैदान र आन्तरिक मार्ग जोड्ने पुल निर्माण गरिनेछ । यसैगरी स्टाफ क्वाटर, होस्टेल, भलिबल कोर्ट, ब्याटमिन्टन कोर्ट, फुटबल ग्राउन्ड, प्रिन्सिपल क्वाटर, ल्याब एन्ड वर्कसप, ट्वाइलेट, बैठक कक्ष, सरस्वती मन्दिर, ओभरहेड पानी ट्यांकी, इलेक्ट्रिक वर्कशप, मेकानिकल मेसिन एन्ड सिएनसी वर्कसप, मेडिकल फ्रेब्रिकेसन वर्कसप आदि निर्माण गरिनेछन् । ‘शिक्षालयका कार्यक्रम सञ्चालनका लाागि भौतिक पूर्वाधार निर्माण गर्न २५ बिघा जग्गा आवश्यक पर्छ,’ कार्यालय प्रमुख बिष्टले भने, ‘नौ बिघा जग्गा सात कट्ठा दुई धुर जग्गा लिजमा लिनका लागि सम्झौता भइसकेको छ । अहिले १५ बिघा जग्गा लिजमा लिने प्रक्रियामा जाँदै छौँ ।’ सुदूरपश्चिम क्षेत्रकै उत्कृष्ट बहुप्राविधिक शिक्षालय बनाउने उद्देश्यका साथ कार्य अगाडि बढाइएको उनले बताए ।
हाल लिजमा लिइएको जग्गामा तारबार गर्न १४ लाख ९९ हजार आठ सय ५७ प्राप्त भई परिचालन गरिएको छ । ‘वर्कसप निर्माणका लागि १९ लाख ९९ हजार तीन सय ५० मा बोलपत्र आह्वान गर्न लागेका छौँ । दुई महिनाभित्रै निर्माण पूरा गर्नेगरी कार्य अगाडि बढाइएको छ’, कार्यालयप्रमुख बिष्टले भने । बजेट अभावले शिक्षालयमा पठनपाठन गर्दै आएका विद्यार्थीहरूका लागि प्रयोगात्मक सामग्रीको अभाव रहेको उनको भनाइ थियो ।
विसं २०७६ मा स्थापना भई सञ्चालनमा रहेको उक्त शिक्षालयमा डिप्लोमा इन सिभिल इन्जिनियरिङ, डिप्लोमा इन मेकानिकल इन्जिनियरिङ, डिप्लोमा इन अटोमोबाइल्सलगायत तीनवर्षे कक्षा सञ्चालन भइरहेको छ । ‘डिप्लोमा इन फार्मेसी, एग्रिकल्चर, रेफ्रिजेटर एन्ड एसीलगायत कक्षा सञ्चालनका लागि स्वीकृति प्रदान भएको छ,’ उनले भने, ‘तर बजेट र भौतिक पूर्वाधार अभावले सञ्चालन गर्न सकेका छैनौँ ।’
क्याटेगोरी : बिबिध
ताजा अपडेट
- चीन भ्रमणमा ऋणसम्बन्धी सम्झौता नहुने: प्रधानमन्त्री
- टेक्ससको ड्यालसमा एक सय दश जनाद्वारा रक्तदान
- १५ दशमलव ८३ बिन्दुले उक्लियो शेयर बजार
- विमान चालकको समस्या छिट्टै समाधान हुन्छ: वायुसेवा निगम
- ‘स्मार्ट सिटी हुनका लागि हिंसारहित समाज हुनु अनिवार्य छ’
- आज साँझ ५ बजे मन्त्रिपरिषद् बैठक बस्ने
- काठमाडौँमा बुधबारदेखि जनसङ्ख्या र विकाससम्बन्धी छैटौँ अन्तर्राष्ट्रिय सम्मेलन
- छोराद्वारा बुबाको हत्या
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया