काठमाडौं । जोन्सनको मुख्य प्रायोजन तथा एभरेष्ट बैंक र हिमालय हर्बलको सहप्रायोजनमा भव्य बेबी पेजेन्ट शो आयोजना हुने भएको छ । तीन वर्षदेखि सात वर्षसम्मका बालबालिकालाई लक्षित गरी कार्यक्रमको आयोजना तय भएको हो ।
आयोजकले जारी गरेकोे प्रेस विज्ञप्तिअनुसार प्रतिस्पर्धामा तीन वर्षदेखि साढे चार वर्षका बालबालिका ‘-याम्प वाक विथ मदर’ इभेन्टमा सहभागी हुन सक्नेछन् । त्यसैगरी साढे चार वर्ष उमेरभन्दा माथि र सात वर्षभन्दा मुनिका बालबालिकाहरु ‘-याम्प वाक’ र विभिन्न ‘ट्यालेन्ट शो’मा सहभागी हुन सक्नेछन् । सहभागिताको लागि आकांक्षीहरुले निःशुल्क रुपमा आफ्नो स्थान सुरक्षित गर्न सक्नेछन् । बेबी पेजेन्ट शोमा भाग लिन चाहनेले अन्तिम आवेदन चैत ११ भित्र गरिसक्नुपर्ने आयोजकको भनाइ छ ।
यस बेबी पेजेन्ट शोमा दुई छुट्टाछुट्टै विधामा प्रतिस्पर्धा गरिनेछ । यसअनुसार तीनदेखि साढे चार वर्ष समूहका प्रथम विजेताले ५० हजार रूपैयाँ प्राप्त गर्नेछन् । त्यस्तै दोस्रोे र तेस्रोले क्रमशः २५ हजार रुपैयाँ र १५ हजार रुपैयाँ प्राप्त गर्ने आयोजकले जनाएको छ । सोहीअनुरूप साढे चार वर्षदेखि सात वर्ष समूहका प्रथम विजेताले ५० हजार रुपैयाँ, दोस्रोेले २५ हजार रुपैयाँ र तेस्रोले १५ हजार रूपैयाँ प्राप्त गर्नेछन् । दुवै समूह गरी कुल पुरस्कार रकम एक लाख ८० हजार रुपैयाँ रहेको छ । निकै रुचि र कौतूहलताको साथ हेरिएको यस बेबी पेजेन्ट शोले विभिन्न चरणहरु पार गर्दै चैत २६ मा अन्तिम प्रतिस्पर्धा गर्ने आयोजकले जनाएको छ ।
बेबी पेजेन्टमा सहभागी हुन ९८५१२४६१५९/९८५१२४६१५७ मा सम्पर्क गर्न सकिनेछ । भौतिक रुपमा पठनपाठन सुरु भएसँगै लामो अन्तरालमा आयोजना हुन लागेकोले यस खालको भव्य प्रतियोगिताले बालबालिकामा रहेको सोचाइ अनुभूति र प्रतिभालाई प्रस्फुटन गराउन प्रेरित गर्ने अपेक्षा गरिएको आयोजकले जनाएको छ ।
क्याटेगोरी : कर्पोरेट-वाणिज्य-उद्योग
ताजा अपडेट
- कर्णालीमा आठ पदमा ४४ उम्मेदवारको मनोनयन दर्ता
- पृथ्वीराजमार्ग दैनिक साढे चार घण्टा बन्द
- यस्तो छ आजका लागि विदेशी मुद्राको विनिमय दर
- देशभरका मालपोत कार्यालयले उठाए दुई अर्ब ७० करोड राजस्व
- तनहुँ बस दुर्घटनाः बस चालकको मृत्यु
- परिवार नियोजन सङ्घको केन्द्रीय अध्यक्षमा डा श्रेष्ठ निर्वाचित
- रवि लामिछानेविरुद्ध काठमाडौँबाट पक्राउ पुर्जी जारी
- राष्ट्रपतिसमक्ष नवनियुक्त राजदूतको शपथ
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया