काठमाडौं । नेपाली सेनाको नेतृत्वमा रोटरी क्लब अफ नागार्जुन तथा विभिन्न सरकारी दातृनिकायसँगको समन्वयमा सञ्चालन भएको सफा हिमाल अभियानको तेस्रो संस्करण सफलतापूर्वक सम्पन्न भएको छ ।
विश्व वातावरण दिवसको अवसरमा आइतबार होटल याक एन्ड यतीमा कोका–कोला फाउन्डेसनले समापन समारोह आयोजना गरेको थियो । कार्यक्रममा वातावरण विभागका महानिर्देशक गोपाल प्रसाद अर्याललगायत विभिन्न सरोकारवाला संस्थाहरु, अभियान साझेदारहरु र सरकारी अधिकारीहरुको उपस्थिति थियो ।
सफा हिमाल अभियानअन्तर्गत सगरमाथा, ल्होत्से, कञ्चनजंघा, र मनास्लु गरी चार हिमालबाट ३३ हजार आठ सय किलोभन्दा बढी फोहोर (७,२२७ किलो कुहिने र २६ हजार छ सय ५० किलो नकुहिने) संकलन भएको छ । संकलन गरिएकोफोहोरलाई प्रमाणीकरणपश्चात् वर्गीकरण, प्रशोधन र पुनः प्रयोगको लागि रिसाइकल पार्टनरलाई हस्तान्तरण गरिनेछ ।
सफा हिमाल अभियानका निर्देशकले भने, ‘सफा हिमाल अभियानअन्तर्गत अभियानमा हामीले चारवटा हिमालबाट ३३ हजार किलो फोहोर संकलन गर्न सफल भएका छौँ । प्रतिकूल मौसमी अवस्था र अत्यधिक उचाइका कारण यो काम चुनौतीपूर्ण र जोखिमपूर्ण थियो तर अभियान पूरा गर्दै राष्ट्रको स्वाभिमान जोगाउने कार्यमा आफ्नो भूमिका निर्वाह गर्न पाएकोमा हामी खुसी छौँ । वातावरणसम्बन्धी जिम्मेवार संस्थाहरुको साझेदारी र उहाँँहरुको अथक सहयोगको लागि हामी आभारी छौँ । साथै यस अभियानको सुरुवातदेखि नै हामीलाई प्रदान गर्नुभएको निरन्तर सहयोगको लागि कोका–कोला फाउन्डेसनप्रति कृतज्ञ छौँ ।’
कोका–कोला फाउन्डेसनकी अध्यक्ष साडिया माड्सब्जर्गले भनिन्, ‘माउन्टेन क्लिन–अप क्याम्पेनसँग कोका–कोला फाउन्डेसनको साझेदारी भन्नु नै फोहोरमुक्त वातावरण निर्माणको लागि सम्बन्धित सबैलाई एक ठाउँमा ल्याउने हाम्रो दृढ प्रतिबद्धता हो । यी हिमालहरू आफ्नो प्राकृतिक सौन्दर्यको लागि विश्व प्रसिद्ध हुनुको साथै नेपालीहरुसँग सांस्कृतिक रुपमा पनि जोडिएका छन् । यस्तो मजबुत प्राकृतिक–संस्कृतिक बन्धनले वासस्थान संरक्षणमा प्रमुख भूमिका खेल्छ ।
हिमालयको प्राकृतिक सौन्दर्यलाई धेरै पछिसम्म सुरक्षित राखिरहनको लागि कोका–कोला फाउन्डेसनले सदैव सहयोग गरिरहनेछ र आशा छ कि यस्ता कार्यक्रमहरुले नेपाल र विश्वभर नै अझ बढी जलवायुसम्बन्धी कार्यक्रमहरु सञ्चालन गर्न हौसला दिनेछ ।’
क्याटेगोरी : नेपाल
ताजा अपडेट
- अरुण नदीमा पूजा गर्ने क्रममा एक जना बेपत्ता
- चार महिनामा साढे चार खर्ब व्यापार घाटा
- ‘क्रेडिट रेटिङ’ पछि नेपालले लिनुपर्ने लाभ के हो ?
- समाजवाद स्थापना नभएसम्म क्रान्तिबाट विश्राम लिइन्न : महासचिव चन्द
- कञ्चनपुरको कलुवापुरमा बस दुर्घटना हुँदा ३१ जना घाइते
- इन्भेष्टमेन्ट कम्पनीको शेयर कारोबारसम्बन्धी नयाँ प्राबधान
- काठमाडौँमा शनिबार तीन शव भेटिए
- चिनियाँ दूतावासद्वारा ‘क्षत्रपाटी निःशुल्क चिकित्सालय’ लाई विद्युतीय सवारी हस्तान्तरण
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया