कुतियाकवरवासीका लागि विकास : आकाशको फल आँखा तरी मर
धन बहादुर जप्रेल २०७९, असार ८ ११:०५ 
दोधारा । कञ्चनपुरको दोधारा चाँदनी नगरपालिका वडा नं. १० को जोगबुडापारिको बस्ती कुतियाकवर र १८ नम्बर पिल्लर बस्ती विकासको प्रतीक्षा गरेको एक शताब्दीभन्दा बढी भयो तर, त्यहाँ विकासको आधारभूत पूर्वाधार समेत सरकारले पु/याउन सकेको छैन ।
उक्त बस्तीमा सरकार र राजनीतिक दलका प्रतिनिधि पुग्दा स्थानीयका समस्या तत्काल नै समाधान गरिदिने वाचा गर्ने गर्दछन् । तर त्यहाँबाट हिँडेपछि उक्त बस्तीका लागि कसैले आवाज उठाउने गरेका छैनन् । अझ विडम्बना त के भने, त्यस क्षेत्रका नागरिकको सरल र सहज बजार सम्पर्क सीमापारि भारतीय बजारसँग हुनेगर्छ । उनीहरू नेपाली रुपैयाँभन्दा भारतीय रुपैयाँ लेनदेन गर्न रुचाउँछन् । कुतियाकवरमा दुई वर्ष मात्रै विद्युत् सेवा विस्तार भए पनि १८ नम्बर बस्तीमा भने अझै बिजुलीबत्ती बाल्ने सपना पूरा हुन सकेको छैन । १८ नम्बर पिल्लर बस्तीका स्थानीयहरू अझै पनि टुकीको भरमा रात बिताउन बाध्य छन् । मोबाइल चार्ज गर्न समेत भारत धाउनुपर्ने उनीहरूको परिस्थिति छ । विकासका नाममा सरकारले कच्ची सडकमा ग्राबेलिङ गर्नेबाहेक केही गर्न नसक्दा कुतियाकवर र १८ नम्बर पिल्लर बस्ती सधैँ अभाव र कष्टमा बाँच्नु परेको स्थानीय बताउँछन् ।
कुतियाकवर र १८ नम्बर पिल्लर बस्तीमा प्राथमिक तहको विद्यालयसम्म छैन । बिरामीलाई उपचार गर्न भारत नै लैजानुपर्छ । त्यस क्षेत्रका नागरिक दोधारा चाँदनीको मुख्य बजार बाबाथान पुग्नुको साटो भारतीय बजार रोज्छन् किन भने त्यहाँ पुग्न सजिलो छ । यी बस्तीका स्थानीयले भोग्नुपरेका अनगिन्ती पीडामध्ये प्रमुख समस्या वर्षेनीको बाढी र डुबान पनि हो । भारतले बनबासा व्यारेजको ढोका खोलिदिएपछि सो क्षेत्रका अधिकांश भाग डुबानमा पर्ने गर्छन् । उनीहरूले बाढीबाट भोगेका क्षतिको दीर्घकालीन समाधान पनि सरकारले खोज्न सकेको छैन । गएको बाढीमा महाकाली नदीको धार बस्तीमा पसेका कारण अबका दिनहरूमा बाढी आएपछि महाकाली नदीले कुतियावकर बस्ती तहसनहस गर्ने पक्का छ ।
उता अठार नम्बर पिल्लर बस्ती जगबुडा नदीले वर्षा र हिउँदमा गर्ने कटानीको कारण बस्ती नै विस्थापित हुने उच्च जोखिममा रहेको छ । त्यस क्षेत्रका बासिन्दा भन्छन्, ‘विगत त्रासमै बित्यो, वर्तमान पनि उस्तै छ, भविष्य झनै अन्योलपूर्ण छ ।’ हरेक वर्ष उर्लिने महाकाली र जोगबुडा नदी समयक्रमसँगै नदीको सतह फैलिँदै र अग्लिँदै गइरहेको छ । कुतियाकवरवासी र अठार नम्बर पिल्लर बस्तीको दुःख थपिँदै गएको छ । शुक्लाफाँटा राष्ट्रिय निकुञ्जबाट बस्ती भित्रिने जंगली जनावरको डर पनि उनीहरूको अर्को पीडा हो । महाकालीको कुतियाकवर, १८ नम्वर पिल्लर बस्तीलगायत क्षेत्रलाई विकासको मूल प्रवाहमा ल्याउने नै हो भने दीर्घकालीन एकीकृत योजना सञ्चालन ल्याउन जरुरी रहेको स्थानीय बताउँछन् ।
कुतियाकवर बस्तीका खेतीयोग्य जग्गा गत वर्षको बाढीले बगरमा परिणत भएका छन् । भारतको सीमासित आँगन जोडिएको कुतियाकवरमा ४५ घरपरिवार बसोबास गर्छन् । ‘सबै घरपरिवारको कमाइ खाने खेत बालुवाले पुरिएकै छ’, स्थानीय मोतीराम सुनारले भने । सरकारले बाढीपीडितहरूलाई घोषणा गरेको राहत उनीहरूमाझ अझैसम्म पुगेको छैन ।
क्याटेगोरी : नेपाल
ताजा अपडेट
- अरुण नदीमा पूजा गर्ने क्रममा एक जना बेपत्ता
- चार महिनामा साढे चार खर्ब व्यापार घाटा
- ‘क्रेडिट रेटिङ’ पछि नेपालले लिनुपर्ने लाभ के हो ?
- समाजवाद स्थापना नभएसम्म क्रान्तिबाट विश्राम लिइन्न : महासचिव चन्द
- कञ्चनपुरको कलुवापुरमा बस दुर्घटना हुँदा ३१ जना घाइते
- इन्भेष्टमेन्ट कम्पनीको शेयर कारोबारसम्बन्धी नयाँ प्राबधान
- काठमाडौँमा शनिबार तीन शव भेटिए
- चिनियाँ दूतावासद्वारा ‘क्षत्रपाटी निःशुल्क चिकित्सालय’ लाई विद्युतीय सवारी हस्तान्तरण
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया