काठमाडौं । बैंकिङ कसुर मुद्दाको फरार प्रतिवादीलाई प्रहरीले पक्राउ गरेको छ । काठमाडौं उपत्यका अपराध अनुसन्धान कार्यालय मिनभवनका सूचना अधिकारी प्रहरी उपरीक्षक दिनेश कुमार आचार्यका अनुसार रामेछाप जिल्लाको मन्थली नगरपालिका १ घर भई हाल भक्तपुर जिल्लाको मध्यपुर थिमी नगरपालिका १ बस्ने ३२ वर्षीय रामचन्द्र थापामगरलाई पक्राउ गरिएको हो ।
आचार्यका अनुसार थापामगरविरुद्ध विभिन्न बैंकिङ कसुर मुद्दामा उच्च अदालत पाटनको मिति २०७६ माघ ११ गते ४८ लाख ९५ हजार पाँच सय जरिवाना र एक लाख १६ हजार रुपैयाँ क्षतिपूर्ति भराउने फैसला भएको थियो भने २०७८ कात्तिक २८ गते १० लाख रुपैयाँ जरिवाना, तीन दिनकै र ४० हजार रुपैयाँ क्षतिपूर्ति भराउने फैसला भएको थियो ।
यसैगरी विसं २०७७ कात्तिक आठ गते पनि थापामगरविरुद्ध चार लाख ७० हजार रुपैयाँ जरिवाना र तीन दिनकै र १८ हजार आठ सय रुपैयाँ क्षतिपूर्ति शुल्क भराउने गरी भएका फैसलाहरूमा जम्मा ६३ लाख ६५ हजार पाँच सय रुपैयाँ जरिवाना, छ दिन कैद र दुई लाख ५४ हजार आठ सय रुपैयाँ क्षतिपूर्ति समेत नतिरी बेरुजु रहेको भन्ने जानकारी कार्यालमा आएको थियो ।
सोही जानकारीको आधारमा अपराध अनुसन्धान कार्यालय मिनभवनबाट खटिएको प्रहरी टोलीले प्रतिवादी थापामगरलाई आइतबार बेलुका १६ः४५ बजे काठमाडौंका तारकेश्वर नगरपालिका शेषमतीबाट पक्राउ गरेको हो । पक्राउ परेका थापामगरलाई सोमबार फैसला कार्यान्वयनको लागि ललितपुर जिल्ला अदालतमा पेस गरिएको सूचना अधिकारी प्रहरी उपरीक्षक आर्चायले दिएका छन् ।
क्याटेगोरी : बैंक बित्त बजार
ताजा अपडेट
- सर्वसाधारणका लागि खुला गरिएपछि धरहरा चढ्नेको भीड
- प्राधिकरणको उदीपुर सबस्टेसन निर्माण सम्पन्न
- मेटा र स्पोटिफाईद्वारा युरोपेली सङ्घको एआई सम्बन्धी अस्पष्ट निर्णयको आलोचना
- प्रजातन्त्रका ‘श्रीगणेश’ अर्थात् लौहपुरुष गणेशमान
- नुवाकोटमा आधुनिक बन्दी गृह
- विकास निर्माणका लक्ष्य किन सधैँ अधुरा
- संविधान संशोधनबाट राजनीतिक अस्थिरताको सम्बोधन गर्न सकिन्छ : प्रधानमन्त्री
- संविधानले विभेद र उत्पीडन अन्त्य गरी एकताको सूत्रमा आबद्ध गरेको छ: राष्ट्रपति पौडेल
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया