काठमाडौं । शाओमीले रेड्मी नोट ११ प्रो नेपाली बजारमा सार्वजनिक गरेको छ । रेड्मी नोट ११ प्रो मा किफायती मूल्यमा उत्कृष्ट क्यामेरा र छिटो चार्ज हुने ब्याट्री रहेको कम्पनीले घोषणा गरेको छ । स्मार्टफोनको बजारमा हुने चुनौतीलाई मध्यनजर गर्दै सस्तो दरमा उत्कृष्ट उत्पादन प्रदान गर्ने लक्ष्यका साथ शाओमीले रेड्मी नोट ११ प्रो लन्च गरेको हो ।
शाओमी नेपालका कन्ट्री जेनेरल म्यानेजर अमित कुमार पंडाले शाओमीले आफ्नो सीमा फराकिलो पार्दै विस्तृत दायराको साथ औद्योगिक बेन्चमार्कहरू पार गरेको बताए । ग्राहकको रेड्मीप्रतिको विश्वासले कम्पनीलाई नवीनताको सन्दर्भमा उच्च मापदण्डहरू स्थापित गरि रेड्मी सिरिजलाई देशमा सर्वाधिक बिक्री हुने स्मार्टफोन सिरिज बनाएको उल्लेख गरे । कम्पनीका अनुसार रेड्मी नोट ११ प्रोमा रहेको रियर क्वाड क्यामेरा सेटअपले विना कुनै सम्झौता उत्कृष्ट फोटोग्राफी अनुभव प्रदान गर्दछ । हाई– रेजोल्युसन र आश्चर्यजनक रंगहरूमा फोटोहरू क्याप्चर गर्नको लागि १०८ एमपी मेन क्यामेरा, ८ एमपी अल्ट्रा–वाइड–एंगल क्यामेरा, ११८– डिग्री भ्युइङ्ग एंगल, दुई एमपी म्याक्रो क्यामेरा, दुई एमपीको डेप्थ क्यामेरा र १६ एमपीको फ्रन्ट क्यामेरा यस फोनमा समावेश गरिएको छ ।
साथै रेड्मी नोट ११ प्रोमा पावर अपको लागि मिडिया टेक हेलियो जी९६ प्रोसेसर रहेको छ भने यसको फ्ल्यागशिप ६७ वाट टर्बो चार्जिङले यसको ५००० मेगाहर्ज उच्च क्षमताको ब्याट्री १५ मिनेटमै ५१ प्रतिशतसम्म चार्ज गरिदिन्छ । २० हर्ज डिस्प्ले रिफ्रेस रेटको साथ ६.६७ इन्च एफएचडी एमोलिड डट डिस्प्लेको साथ रेड्मी नोट ११ प्रोले स्मूथ स्क्रोलिङ र ल्याग–फ्री ट्रान्जिसन सुनिश्चित गर्दछ । ट्रेन्डी फ्ल्याट–एज डिजाइनको डिस्प्लेको साथै, यसमा रहेको डुअल सुपर लिनियर स्पिकरहरूको साथमा, रेड्मी नोट ११ प्रोले गेमिङ वा भिडियोहरू हेर्नको लागि इमर्सिभ स्टेरियो साउन्ड प्रदान गर्दछ । ग्रेफाइट ग्रे, पोलर ह्वाइट, स्टार ब्लू गरी तीन रंगहरूमा यी फोन ६/१२८ जीबी र ८/१२८ जीबी गरी दुईवटा स्टोरेज भेरियन्टमा उपलब्ध छ । यसको मूल्य क्रमशः ३४ हजार नौ सय ९९ रुपैयाँ र ३६ हजार नौ सय ९९ रुपैयाँ रहेको छ ।
क्याटेगोरी : कर्पोरेट-वाणिज्य-उद्योग
ताजा अपडेट
- अवैध लागुऔषधसहित तीन जना पक्राउ
- मनाइयो संविधान दिवस
- ठमेलमा ‘ठमेल नखः’ महोत्सव हुने
- भक्तपुर क्यान्सर अस्पतालका कर्मचारीलाई स्थायी हुने बाटो खुल्यो
- संस्थागत क्षमता स्व–मूल्याङ्कनमा तिलोत्तमा सबैभन्दा अगाडि
- समसामयिक राजनीतिक व्यङ्ग्य
- श्रीअजन्ता इलेक्ट्रिकमाथि राजस्वको अनुसन्धान सुरु
- सरकारले लियो दुई महिनामा एक खर्ब ऋण, ३९ अर्ब भुक्तानी
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया