काठमाडौं । सहज भनेर चिनिने नेपाल कृषि बजार विकास कार्यक्रम (एनएएमडीपी)ले दोस्रो चरणको सहज च्यालेन्ज फन्ड राउन्ड १ का विजेताहरू घोषणा गरेको छ । एक सय ८८ आवेदनहरूमध्ये पाँच नवीनतम समाधान तथा सेवा प्रदायकहरू छनोट गरिएका थिए । कठिन स्क्रिनिङ र मूल्यांकन प्रक्रियापछि विजेताहरुको घोषणा गरिएको आयोजकले जनाएको छ ।
सहज च्यालेन्ज फन्ड राउन्ड १ ले प्रदेश १ मा कृषि उत्पादनहरुको व्यवस्थापन र आपूर्ति शृंखलासम्बन्धी चुनौती तथा बाधाहरुलाई सम्बोधन गर्ने नवप्रवर्तनात्मक र व्यावसायिक रुपमा व्यावहारिक सम्भाव्य भएका व्यवसायहरुलाई सहयोग गर्दछ । त्यसले कृषि क्षेत्रमा उच्चस्तरको व्यवसायीकरण, आर्थिक मूल्य अभिवृद्धि, लगानी र रोजगारीहरूमा योगदान पु-याउनेछ । सहजले यी पाँच विजेताहरूलाई प्रस्तावित समाधानहरू प्रदेश १ मा कार्यान्वयन गर्न अनुदान र प्राविधिक सहयोग उपलब्ध गराउनेछ । च्यालेन्ज फण्ड, एनएएमडीपी दोस्रो चरणको निजी क्षेत्रको स्रोतको सदुपयोग गर्दै डेयरी, तरकारी, अलैँची र मकै क्षेत्रमा सेवाको प्रावधान र नवप्रवर्तनमा पहुँच बढाउने संयन्त्र हो ।
सहजको दोस्रो चरण नेपाल सरकार र स्विट्जरल्यान्ड सरकारबीचको द्विपक्षीय सम्झौताअन्तर्गत सञ्चालनमा छ । सहज परियोजना स्विस सरकार विकास सहयोग (एसडीसी) को परियोजना हो । यसको कार्यान्वयन स्विसकन्ट्याक्ट (लिड एजेन्सीको रूपमा) र वातावरण तथा कृषि नीति, अनुसन्धान, प्रसार एवं विकास केन्द्र (सिप्रेड)ले संयुक्त रूपमा गर्दै छन् । सहजले प्रदेश १ मा कृषि व्यवसायका लागि सेवा र नवप्रवर्तनमा पहुँच बढाउन वित्तीय एवम प्राविधिक सहयोग उपलब्ध गराउँछ । यसबाट साना किसानका उत्पादनको माग वृद्धि हुनेछ, तिनीहरूलाई मूल्य अभिवृद्धि आपूर्ति शृंखलामा आबद्ध गराउँछ र उच्च रोजगार तथा आयबाट ग्रामीण समुदायको उत्थानशीलतालाई बढाउँछ । यस्तै सहज च्यालेन्ज फन्डले राउन्ड २ का लागि पनि आवेदन खुला गरेको छ । एससीएफ राउन्ड २ ले प्रदेश १ को डेयरी उद्योगमा उत्पादन विविधीकरणको मुद्दालाई सम्बोधन गर्न नौलो डेयरी उत्पादनका विचारहरू खोजिरहेको छ ।
क्याटेगोरी : नेपाल
ताजा अपडेट
- चिनियाँ दूतावासद्वारा ‘क्षत्रपाटी निःशुल्क चिकित्सालय’ लाई सवारी हस्तान्तरण
- छ वर्षमा पनि बनेन गजेन्द्रनारायण सिंह अस्पतालको भवन
- जनसभामा जथाभाबी फोहोर गरेको भन्दै महानगरले एमालेलाई तिरायो १ लाख जरिमाना
- देशका अधिकांश भागमा आज मौसम सफा रहने पूर्वानुमान
- यस्तो छ आजका लागि विदेशी मुद्राको विनिमयदर
- विशेष अदालतको फैसलामा चित्त नबुझेको भन्दै आयोगले गर्यो सर्वोच्चमा पुनरावेदन
- अपराध र ठगी गर्नेलाई सरकारले छाड्दैन : प्रधानमन्त्री
- सरकारलाई असफल हुने छुट छैन: मन्त्री अधिकारी
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया