काठमाडौं । नवनियुक्त भौतिक पूर्वाधार तथा यातायात मन्त्री मोहम्मद इश्तियाक राईले सवारीचालक अनुमतिपत्र र इम्बोस्ड नम्बरप्लेट कार्यान्वयनमा समस्या रहेको बताएका छन् । नवनियुक्त मन्त्री राईले सोमबार राष्ट्रपति विद्यादेवी भण्डारीबाट पद तथा गोपनीयताको शपथ लिएपछि सिंहदरबारस्थित मन्त्रालयमा पदबहाली गर्ने क्रममा चालक अनुमतिपत्र लिन सेवाग्राहीले लामो समय कुर्नुपरेको बताए ।
त्यस्तै सवारीसाधनमा इम्बोस्ड नम्बरप्लेटको विषयमा पनि विरोधाभास रहेको भन्दै उनले त्यो रिड गर्ने मेकानिजम नभएकाले त्यसमा आवश्यक सुधार गरिने बताए । साथै उनले सडकको ‘क्रोनिक’ ठेक्काको समस्या समाधानका लागि र यातायात क्षेत्रको समस्या समाधानका लागि दुई विज्ञ टिम बनाउने बताए । दुवै टिमलाई १५ दिनको समय दिइने र त्यो अवधिमा समस्यासहित समाधान पहिल्याउनुपर्ने उनको भनाइ थियो । सोही टिमको सुझावका आधारमा नै योजना बनाएर कार्यान्वयन गरिने उनले बताए ।
यस्तै ठूला आयोजनाहरूको कार्यान्वयन हुँदा देश समृद्ध हुने र विकासखर्च बढ्ने उनले बताए । ठूलो बजेट भएको ठूलो मन्त्रालय भएकाले पनि रुग्ण आयोजना रहेको र त्यो तत्काल समाधान आवश्यक रहेको उनको भनाइ थियो । मन्त्रालयको वित्तीय खर्च बढी हुँदा देश विकासमा फड्को मार्न सक्ने उनको दाबी छ । सडक पूर्वाधार निर्माणमा विगतदेखि ठेक्का लिने तर काम नगर्ने प्रवृत्ति रहेको पनि उनले बताए । बाँके–२ बाट सांसद निर्वाचित भएका राईले यसअघि केपी शर्मा ओली नेतृत्वको सरकारमा सहरी विकास मन्त्रालयको जिम्मेवारी सम्हालेका थिए ।
क्याटेगोरी : नेपाल
ताजा अपडेट
- चिनियाँ दूतावासद्वारा ‘क्षत्रपाटी निःशुल्क चिकित्सालय’ लाई विद्युतीय सवारी हस्तान्तरण
- छ वर्षमा पनि बनेन गजेन्द्रनारायण सिंह अस्पतालको भवन
- जनसभामा जथाभाबी फोहोर गरेको भन्दै महानगरले एमालेलाई तिरायो १ लाख जरिमाना
- देशका अधिकांश भागमा आज मौसम सफा रहने पूर्वानुमान
- यस्तो छ आजका लागि विदेशी मुद्राको विनिमयदर
- विशेष अदालतको फैसलामा चित्त नबुझेको भन्दै आयोगले गर्यो सर्वोच्चमा पुनरावेदन
- अपराध र ठगी गर्नेलाई सरकारले छाड्दैन : प्रधानमन्त्री
- सरकारलाई असफल हुने छुट छैन: मन्त्री अधिकारी
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया