ढाका, फागुन ९
बंगलादेशी कम्पनी वाल्टनले अमेरिकामा स्मार्टफोन निर्यात गर्ने तयारी गरेको छ । बंगलादेशको उत्पादन क्षेत्रले यसलाई महत्वपूर्ण उपलब्धिका रुपमा लिएको बंगलादेशी सञ्चारमाध्यमले जनाएका छन् । ‘बंगलादेशमा स्मार्टफोन बनाउने सपना साँचो भएको छ’, वाल्टनका मेनेजिङ डिरेक्टर एसएम मन्जुरुल आलमले भने ।
बंगलादेशमा बनेका स्मार्टफोनको गुणस्तर र उत्कृष्ट फिचरलाई क्रेताले मन पराएको उनको दाबी छ । सुरुवाती चरणमा बनेका फोनहरुको मूल्य १ सय डलरदेखि २ सय अमेरिकी डलरसम्म पर्नसक्नेछ । उक्त फोनहरु बंगलादेशको गाजिपुरस्थित चन्द्रामा रहेको वाल्टन डिजी टेक उद्योगको प्लान्टमा मार्च १ देखि बन्नेछन् । अमेरिकी ब्रान्डमा बन्ने फोनहरुको वास्तविक वस्तु उत्पादक वाल्टन रहेको छ । यद्यपि वाल्टनले यसको नाम भने बताएको छैन ।
यस किसिमको उत्पादनलाई सम्झौतामा आधारित उत्पादन भन्ने गरिन्छ । ‘अमेरिकी आयातकर्ताले सहमति र सम्झौता केही महिनाअघि नै गरिसकेका छन्, हामी गुणस्तर सुधारतर्फ ध्यान दिएका थियौँ, त्यसपछि शिपमेन्टको प्रक्रिया आरम्भ हुन्छ’, आलमले भने । कम्पनी यतिमा मात्रै सीमित छैन । उसले बंगलादेशमा बनेका फोनहरु अमेरिकाबाहेक युरोप र अस्ट्रेलियामा समेत निर्यातको योजना बनाएको छ । यसलाई बंगलादेशीहरुले गौरवको रुपमा लिनुपर्ने आलमको भनाइ छ ।
क्याटेगोरी : विश्व बजार
ताजा अपडेट
- आठ वर्षपछि फेरि किन बढ्यो ‘लोडशेडिङ’ हुने डर ?
- युक्रेनलाई रुसी भूमिमा अमेरिकी क्षेप्यास्त्र प्रहार गर्ने अनुमति, रुसमा चर्को आक्रोश
- डेडिकेटेड ट्रंक लाइन बिबादमा टिओडी मिटर गणना गर्न विज्ञ समिति गठन
- मुख्यमन्त्री सिंहद्वारा भारतीय पक्षलाई विवाहपञ्चमीको निम्तोपत्र हस्तान्तरण
- जलवायु परिवर्तन न्यूनीकरणमा साझेदार गर्न नेपालको बङ्गादेशलाई आग्रह
- बेनी नगरपालिकामा तीन सय योजना कार्यान्वयनमा
- छुट्टाछुट्टै घटनामा दुईजनाको मृत्यु
- पशुपति आर्यघाटमा पूर्वसभामुख ढुंगानाको अन्त्येष्टि
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया