काठमाडौं । निजी प्रयोजनका सवारीसाधनहरूको आयातमा लागेको प्रतिबन्ध हटाउन प्रधानमन्त्री शेरबहादुर देउवा सकारात्मक देखिएका छन् । हाल सरकारले व्यापारघाटा न्यूनीकरणको लागि भन्दै निजी सवारीसाधनको आयातमा प्रतिबन्ध लगाएको छ ।
नाडा अटोमोबाइल्स एसोसिएसन अफ नेपालका अध्यक्ष धु्रव थापा नेतृत्वको टोलीले बुधबार प्रधानमन्त्री देउवासँग भेट गरी कार, जीप र भ्यानजस्ता निजी प्रयोजनका सवारीसाधनहरूको आयातमा लागेको प्रतिबन्ध फुकाउनका लागि आवश्यक पहल गरिदिन माग गरेको हो । उक्त मागमा प्रधानमन्त्री देउवा सकारात्मक रहेको नाडाले जनाएको छ । साथै प्रधानमन्त्री देउवाले सवारीसाधन पैठारीकर्ताहरूले अब नेपालमै विद्युतीय सवारीसाधनहरूको एसेम्बलिङ प्लान्ट स्थापना गरी बढ्दो व्यापारघाटा कम गर्न सुझाव समेत दिएका थिए ।
उक्त भेटमा नाडा अध्यक्ष थापाले नेपालमा पैठारी हुने हजारौँ वस्तुहरूमध्ये कार, जीप र भ्यानजस्ता सवारीसाधनहरूले मात्रै दोब्बरभन्दा बढी राजस्व योगदान पु-याउने बताए । नेपालको बढ्दो व्यापारघाटा र शोधनान्तर घाटामा यसको अंश अत्यन्त सानो भए पनि योगदान भने धेरै उच्च रहेको उनको दाबी थियो । यस्तै अध्यक्ष थापाले नाडा अटो एक्स्पो २०२२ यही भदौको ७ गतेदेखि १२ गतेसम्म काठमाडौंको भृकुटी मण्डपमा सम्पन्न गर्ने निर्णय गरिएको प्रधानमन्त्री देउवालाई जानकारी गराएका थिए । सो आयोजनाका लागि समेत नयाँ सवारीसाधनहरूको आयात सुचारु हुनु आवश्यक भएको उनको भनाइ थियो । सो भेटघाटमा नाडाका उपाध्यक्ष सुनिल रिजाल, कोषाध्यक्ष मिलनबाबु मल्ल तथा केन्द्रीय कार्य समिति सदस्यहरू आकाश गोल्छा तथा कपिल शिवाकोटी समेतको उपस्थिति रहेको थियो ।
क्याटेगोरी : कर्पोरेट-वाणिज्य-उद्योग
ताजा अपडेट
- थप १० दिन लामिछानेसहित चार जना हिरासतमा
- आमाको हत्या गरेको आरोपमा एक जना पक्राउ
- तिहारको लामो बिदा पछिको शेयरबजार
- निषेधित क्षेत्र तोड्न खोजेपछि अश्रुग्यास प्रहार, ६ जना पक्राउ
- पञ्चेश्वर परियोजनाको ‘डिपिआर’ शीघ्र पूरा गर्न आग्रह
- घट्यो सुनको मुल्य
- एक हजार तीन सय किलो गाँजा बरामद
- अन्तर्राष्ट्रिय सम्मेलनमा सहभागी हुन लुम्बिनी प्रदेशका मुख्यमन्त्री चीन जाने
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया